其實, 我有點不能接受空肚食甜品, 幸好這店有午餐提供, 我揀了麵豉醬燒茄子芝士墨西哥卷 $68 (包甜品+凍飲), 因為墨西哥卷可以一開二, 一人一半就可以留肚食甜品呀!
吃飽飽當然就點正餐~甜品是也, 我一來便看中了芝士粟一燒 $58...單看Menu你也會被騙.
SY:「爸爸! 你又話叫甜品, 你仲叫多支粟米嚟食嘅?」; 我:「佢唔係粟米嚟呀! 佢係芝士蜂蜜蛋糕, 不過做成粟米咁樣咋」
SY:「哎呀! 估唔到粟米樣芝士蛋糕, 真係有粟米味喎」; 我:「軟軟滑滑, 再配朱古力爆谷, 同早餐片, 一軟一硬, 又夠凍, 夏天食真係一流」
之後來的黑松露咖啡奶凍 $54, 絶對強烈推介, 黑松露少少鹹, 咖啡少少甘, 加入做成奶凍, 真的一次過三重口感體會.
SY:「點解甜品都有隻冬菇嘅?」; 我:「做樣架咋, 白糖糖霜做出嚟架」SY即時吃了半隻"冬菇" 就己經被沾滿了朱古力粉的馬卡龍吸引著....SY:「嘩! 原來有我最鍾意食嘅馬卡龍架~Yeah」
再來的「絲絲入心」 $64 又是SY的指定甜品, SY:「第一次食可以見到有心太軟流落雪糕呀!!」(咁又係...因為平時一向心太軟都係平放係碟.
今次暖暖的朱古力漿直接溶入雪糕中, 加上中間的曲奇, 口感都味道都變得非常豐富.
SY:「頭先姐姐教我話要搞碎D曲奇一齊食呀! 我鍾意佢有D紅色梅子甜甜酸酸好得意」(我都好鍾意加咗梅子嘅甜品, 細路~識食喎~)
今日真的很滿足, 有心意的甜品, 相機又食得飽, 我肚皮又食得開心!!
Good Desserts 菓甜品
地址: 尖沙咀寶勒巷3號萬事昌廣場G地下2舖
電話: 3590 2088
大仁生活facebook
沒有留言:
張貼留言