銅鑼灣時代廣場又有展覽, 今次是米90周年活動, 單單就是室內展覽館就足大家影足3個小時....(我今日就是如此)
一走入展覽廳, 便會有9台舊型號大舊電視在播放當年的米奇老鼠卡通...我總覺得從前的米奇瘦削削的...反而更有味道.
另一邊就是米奇學作者"華特‧迪士尼" 畫華特‧迪士尼...我當然又亂入一下...
之後展館便有近100件懷舊玩具, 我這個玩具迷當然立刻心動了...
有錶, 有鐘, 有公仔; 有唱機, 有杯, 有相機,
全部也是1930, 1950, 1970年代的產品, 隔著玻璃我也感受到那些年的美好時光充滿整個房間.
這是1950年的射擊玩具, 當年又會想到用放影機變成槍?? 莫非真的唱盤可以變呔盤呢?
其實, 我最喜愛的一定就是這個粗糙得來又非常接近一隻真老鼠的1940米奇, 果然玩具還是愈舊愈美麗.
還有1970年代的香港米奇漫畫, 當年8毫子便可以買到一本漫畫.
我在想:「點解要找2毫呢? 當年D人唔介意袋咁多毫子嗎? 還是2毫子可以買到一個麵包呢?」
場內還有大大本米奇雜誌揭頁, 是不是當年的宣傳海報呢?
逛完室內, 就過旁邊的露天廣場與10米奇公仔玩遊戲.
「百變」米奇老鼠真的名不虛傳, 小小豬媽說:「原來個電視台入面D米奇會轉㗎」
我:「連個90周年大佈景版上個有隻蒸氣船都會不停左左右右郁添」
廣場內還高高的懸掛了一隻巨型大大大米奇, 她的造型是幻想曲中的魔術師, 周圍還有很多精靈掃把陪伴一齊.
商場內還有米奇POP-UP-STORE, 小小豬媽一見到米奇「妹頭」公仔 ($799/各) 即大叫:「好靚呀! 好想要」
我反而對林亞珍「妹頭」有興趣多一點, 因為她孭著一個米奇90周年的環保袋, 十分攪笑.
米奇90周年2合1攬枕連毛氈 ($238/各) 軟林林非常舒服.
其實, 我第一眼是睇中米奇米妮紅A漏斗凳, 可惜這個完全復刻的漏斗凳只是陳列品...
我:「可唔可以留名...有得賣時通知我呢?」(點解係非賣品呀!?)
米奇星空Led座檯燈 ($198)
原來, 10月還有米奇抱抱會, 不過暫時日子及時間未定...
當還未有得與米奇meet and greet, 那就與全場最大的黑白米奇合照吧!! 生日快樂呀! 米奇~ (咁米妮又係幾時生日呢?)
米奇90周年展覽
日期：2018年9月21日–10月31日
地點：香港銅鑼灣時代廣場地下露天廣場
「米奇老鼠粉絲見會面」
日期：2018年10月（不日公佈）
標誌性《幻想曲》米奇造型塑像
日期：2018年9月21日–10月21日
米奇90周年主題限定店
日期：2018年9月29日至10月21日
地點：銅鑼灣時代廣場B1層（city’super外）
大仁生活facebook
沒有留言:
張貼留言