昨日阿太說:「原來月28日, 幸福Pancake 係銅鑼灣開喎, 我哋去食囉...」實在太令人期待的幸せのパンケーキ, 所以, 在未有得食之前, 容許我先回味一下暑假的日本滋味!!
全日本有25間分店的幸福Pancake, 當日我們就去大阪心斎橋酒店附近的一間, 平日上午11時, 店內也坐滿9成, 不過未有人龍. 我們預定了枱, 所以可以直入4人卡位, 還有一個雙人吊椅, 好文青, 好靚!!
不過, 說時遲, 那時快, 門口已經有6-7人在排隊, 阿太:「梗係啦, 12點D人放食晏啦, 快D叫班戟啦, 我好想食啦」
我們先點原味幸福Pancake (1100 yen 銅鑼灣店價錢$108) , 大約10分鐘左右, 濃濃的蛋香, 脹卜卜, 空氣感飽滿的三件原味登場!!
SY放了一口忌廉入口說:「咁大舊, 我頭先以為係雪糕...好好食呀! 配咗忌廉仲好食呀! 軟腍腍㗎」
阿太:「真係日本乜都好食D, D蛋好香, 香港真係食唔到咁香」; 我:「E啲先係梳乎厘班戟啦, 嗰D硬實實嘅又話係日本名物, 幸福E啲先係好食」
老友祖迪推介一定要點鹹食的選擇, 所以我們同時點了梳乎厘班戟配蘑菇芝士奄列 Pancake (1100 yen 銅鑼灣店價錢$118).
我:「原來鹹班戟係用麥嚟造, 雖然入口淡D, 但好有咬口, 好豐富層次感喎」
阿太:「我本來都覺得甜食好食, 但食完鹹E款, 我鍾意用麥造班戟點滿奄列蛋嚟食, 一邊超滑, 一邊有層次粒粒, 好香好食好正」
我:「可能對鹹班戟無期望, 估唔到個奄列入面有咁多菇菇同芝士, 真係超正」
暑假期間, 限定梳乎厘班戟是配白桃 1480Yen, 一場過來, 沒有理由不點一份來吃吧!
原來, 限定班戟的醬汁也不是一般的果醬, 而是玫瑰果醬, SY:「佢仲有好多桃味啫哩添...好香呀! 好似洗衣粉咁香」(吓?? 點會有人讚香用洗衣粉嚟形容呀??)
限定梳乎厘班戟是原味, 配上時令水果, 再有水果醬, 及啫哩, 並且伴隨少許伯爵茶粉...
阿太:「真係加咁多樣配料好唔同感覺喎」, 我:「淨係口感都5種唔同啦, 一樣豐富又正, 最重要又有水果又有茶粉, 即刻健康晒, 食多D都唔會太罪惡啦!!」
幸せのパンケーキ (全日本有25分店)
官方預定留位: https://magia.tokyo/reserve/?lang=en
心斎橋店
大阪市中央区西心斎橋2丁目10番32号 スマイルステップ B1F
幸せのパンケーキ 幸福Pancake（A Happy Pancake） 28/9開業
地址︰銅鑼灣新寧道1號利園三期2樓203-205號舖
電話：2338 4315
營業時間：星期一至日 11:30am-10pm
大仁生活facebook
沒有留言:
張貼留言