SY答:「記得...係米又有得玩呀?我要去, 我要去...」
不過, 今年的第四屆香港復古遊戲展覽改了在城大創意媒體中心...如果大家在九龍塘C2出口, 大約直上10-15分鐘左右.
一走入大門口, 便有6台寶物遊戲機...SY二話不說便走了去釣魚, SY:「好得意呀! 真係有支魚干釣魚, 我釣到1200g呀!」
我叫SY扮街霸出波給我拍照, SY:「咩係出波? 我都唔識」(即係你好鍾意玩嗰隻Game啲招式囉)
經典遊戲俄羅斯方塊今次直情有一個專區, 大約有二十多台機, 紅白機, SEGA, PS等出過的俄羅斯方塊都一次過任你玩.
SY:「俄羅斯方塊都有咁多款喎」(係呀! 仲要全部都用翻大牛龜電視, 真係好有Feel)
離開了俄羅斯方塊區, 我們走到隔離的主區, SY好高興的大叫:「我搵到啦!! 我搵到啦」
原來, 這個小朋友不停找找找, 就要找回上次Mikiki玩過的Street Fighter.
我:「你鍾意打街頭霸王咩?」; SY:「我鍾意打打打D遊戲, 好刺激」
街霸原來在SEGA MEGA DRIVE II 有用CD出版過, 我今日還是第一次看見MEGA DRIVE 的CD ROM, 好驚喜呀!
之後SY玩MARIO KART, 不過就是任天堂N64 1996年版本.
SY:「點解同我哋屋企部SWITCH唔同, 矇查查嘅?」我:「30年前有咁樣嘅畫面已經係超級靚㗎啦」
要睇復古遊戲機, 當然不可以不提70年代第一代的電視遊戲機, 當年的雅逹利已經係神話, 因為可以插卡式GAME帶, 簡直就是神物.
SY:「好攪笑, 點解以前D JOYSTICK好似電話咁有數字呢?」(係囉...我都唔明白, 會唔會當年咁樣就代表先進呢?)
玩了一回超任Tennis, 又玩了雅逹利70年代版本Tennis的SY說:「新嘅我就次次開波都話我錯(因為開出界)...咁難玩」
對雅逹利的評語:「好攪笑, 打極都打唔完, 不過就可以球球都接到, 但係好平面, D公仔好怪」(E個就係我喜愛的懷舊的味道)
現場給我發現從前恨買到不得了, 但太昂貴儲極零用錢也不夠買的PC Engine, 我:「我恨咗想插E張遊戲卡好耐啦」
因為, 以為任天堂是插帶的, 當年一出插如此薄的Game 卡, 甚至再有CD, 這個PC Engine簡直就是我的儲錢目標...
不過, 後來因為同學買了世嘉, 他誘惑我說:「你買埋MEGA DRIVE, 咁我哋可以交換GAME玩啦」 於是辛辛苦苦儲錢+屋企人利是幫補, 我就轉會買世嘉.
可能今年的位置比較偏遠(我意思距離地鐵站), 又或者平日的夜晚吃飯時間, 所以場內也較去年少人.
但好處就是任玩也不用排隊, 如果, 我們不是去錯了理工的話, 我們可以玩得更多時間, 因為展覽只開至20:00, 玩得45分鐘, 今次真的不夠喉, 好彩還有數天時間, 周末再來打機打到手軟吧!!
香港復古遊戲展覽2018
地點 ：九龍塘達康路十八號 香港城市大學創意媒體中心
日期 ：9月26日 (星期三) 到 10月2日 (星期二)
時間 ：上午10時到下午8時
大仁生活facebook
沒有留言:
張貼留言