網頁

2018年8月20日 星期一

【最後召集D.I.Y】小丸子奶皇月餅工作坊 @ 灣仔奇華

去年首次到奇華餅家做月餅, 真的念念不忘, 想不到一霎眼又到中秋, 今次奇華更加聯乘小丸子, 自己做有小丸子嘜頭月餅...SY知道後立刻大叫:「我想做野口, 花輪同永澤月餅呀」


「小丸子奶皇月餅班」製作時間大約2小時30分鐘, 材料和份量一早有專人預備好之餘, 還有數位助教從旁協助, 所以, 絶少入廚的我們也輕易完成.



奶皇餡一早便由老師前一晚為我們製作好, 所以, 我們首先便搓好月餅皮, 再將餅皮分為8份, 每份29.5克便可以.


SY很專心很仔細的量度每份皮的分量...我:「29.4克, 29.6克左右都得架」; SY:「唔得...老師話要29.5克呀!」(平時又好似無咁聽我話嘅??)


之後便將每個20.5克的奶皇餡包入餅皮中, 不過SY包得很慢, 他說:「爸爸! 我驚整裂咗塊皮呀!」


後來, 有助教一邊幫手一邊說:「唔怕架, 你由底開始包上面, 再搓成波波咁就得」


結果, 有專家幫手, 很快就完成全部8個月餅的雛型.


繼而就是小朋友最期待的壓模過程, 小丸子、媽媽、爺爺、嫲嫲、小玉、花輪及野口,老師:「爸爸, 因為去咗旅行, 所以你哋可以揀一個人物重複喎」


其實, 點解爸爸會一個人去旅行呢? SY:「咁我揀小丸子做多一個啦!」



之後月餅要放入雪櫃約30分鐘...


SY:「好心急!!好心急!!」, 不過我們左影影右影影, 很快月餅又出來了.



這時我們的任務就是為月餅掃上蛋漿, 不過助教說:「輕輕掃掃就得架啦, 如果唔係小丸子同D朋友塊面就會燶晒喎」


掃完蛋漿, 就將月餅放入焗爐先烤4分鐘, 再焗5分鐘, 放涼後便可以入盒啦.


SY:「爸爸! 小玉我哋掃得太多蛋, 你哋佢對眼好似戴咗太陽眼鏡咁喎」


大功告成, 兩個靚靚小丸子紙盒各裝4粒月餅, SY:「送畀嫲嫲, 爺爺, 公公, 婆婆每人兩個, 我哋仲有4個食」


月餅班最正就是聯乘小丸子, 真的又靚又好味道!


聞說小丸子月餅班爆得很緊要, 所以有消息指今個星期, 工作坊會加推班次, 大家如果有興趣, 記得望實官方網站, 第一時間去報名啦!



奇華工作坊-小丸子奶皇月餅班
學費:港幣600元
名額:每班16人
課程時間:180分鐘
課程包括:
迷你小丸子造型奶皇月餅8個、小丸子現烤盒2個(可放4個小丸子月餅/盒)、附送精美小丸子A4文件夾、小丸子行李牌、
花輪行李牌及1套12個小丸子成員貼紙乙份(總值超過港幣100元正)

奇華工作坊-小丸子奶皇月餅(親子班)
學費:港幣660元
名額:每班16組(每位學員可帶同一位8至12歲
以下小童共同參與)
課程時間:210分鐘
課程包括:
迷你小丸子造型奶皇月餅8個、小丸子現烤盒2個(可放4個小丸子月餅/盒)、附送精美小丸子A4文件夾、小丸子行李牌、花輪行李牌及1套12個小丸子成員貼紙乙份(總值超過港幣100元正)

詳情︰
「奇華工作坊」官方網頁:https://studio.keewah.com
成人班: https://studio.keewah.com/frontend/web/index.php?r=course/view&id=89
親子班: https://studio.keewah.com/frontend/web/index.php?r=course/view&id=88






大仁生活facebook

沒有留言:

張貼留言