【天水圍食好嘢】潮汕蕃茄三寶湯+足料花膠碗仔翅

話說暑假前去了天水圍玩, 而這天我們第二次走入「新北江」, 魚子媽說:「新北江有D似天水圍嘅葵廣」

小店+小店而組成的新北江, 一定比觀塘, 金鐘, 尖咀等千篇一律商場有更多好東西可以發掘.

 

當日就有一間新店試業, (當時連招牌的紅紙也未撕走), 3張手寫Menu, $38 花膠碗仔翅.

阿太:「嘩! $38有齊木耳絲, 冬菇絲, 元貝, 雞絲, 肉絲, 花膠, 金華火腿, 素翅, 咁足料喎」

味道不太濃就最合我心意, 其實, 火腿, 冬菇, 肉絲已經很夠味, 我:「花膠真係都唔少喎, 開始有漿住個口嘅感覺喇」

本來我以為足料花膠碗仔翅已經無得輸, 誰知番茄紫菜三丸湯$28更加正.

SY:「爸爸, 好多紫菜」, 阿太:「蕃茄湯真係好好飲, 甜甜酸酸, 最啱我」

三丸有魚丸, 牛丸, 豬肉丸, 蕃茄又夠多, 好飲...SY:「爸爸, 牛丸好好食」(我都覺得係)

老闆:「我真係用正宗潮汕牛丸咖, 所以你係米覺得好重牛味呢, 我哋D牛丸又無粉, 所以好多人叫, 我自己都覺得好食」

我:「好有咬口, 真係唔通樓下魚蛋粉D牛丸喎」, 老闆一邊浸花膠一邊答:「所以最好賣就係牛丸」(一桶有一斤花膠, 如果我食晒可能都可以後生2年...好想食呀!)

來小吃
時間: 12:00 - 21:00
地址: 天水圍天湖路1號嘉湖新北江商場1樓原宿地帶D150號舖


大仁生活facebook