2018年8月27日 星期一

【祇園祭夜與日】日本京都年度節慶 ~ 夜市掃街+山鉾巡行

今個暑假,我終於可以親身感受日本夏祭的滋味, 因為看日劇經常也見男女主角穿上浴衣, 在活動中玩灘位遊戲, 好開心,好有愛, 我真的想感受一下這樣的好氣氛呀!


今次我們參觀的是撞有超過1,100年歷史的京都祇園祭, 這是本來是平安時代為了向神祈求趕走瘟疫, 到後來演變成加入了傳統音樂、神轎等項目, 並且連續整個7月都舉行。

 

雖然, 祇園祭活動長達整個7月份, 當中包括大大小小的儀式, 而其中最熱鬧的一定是7月14日〜16日「前祭宵山」(よいやま)+ 17日的「山鉾巡行」.



因為每年7月15日及16日,  晚上18:00~23:00, 「四条通的八坂神社~至~堀川間」・「烏丸通的高辻〜至~御池間」也會封路, 變為行人專區 (當地稱為: 歩行者天国).


無數攤檔會擺放「四条通」及「烏丸通」上、飲飲食食, 甜品, 啤酒, 攤位遊戲, 十足十我們青衣戲棚掃+維園年宵一樣.




不過最大不同, 當然規模大十倍, 而你身旁會有無數身穿浴衣「Kawaii」+「Kakoi」的少男少女經過, 或者與你同一步伐參與活動, 氣氛好到不得了!


要到四条通亦非常方便, 只要乘地下鐵烏丸線至四条, 之後便一直在站內步行到「四条烏丸ビル東口」即是「出口23」, 這便是人潮最沸騰的四条通歩行者天国.


大街上會擺放了數台「山鉾」, 上面掛滿點著燈的「駒形提灯」, 並會播放著祇園祭的聲響音樂, 忽然感覺得團結, 很融洽.


原來, 「山鉾」內是可以有機會進入登上的, 不過, 我們發現的時候, 入場證已換罄, 我:「哎呀! 我好想走上去呀!」, 阿太:「無計啦, 我哋都唔知原來之前有飛換」


SY:「爸爸! 我好肚餓呀! 不如食嘢啦」 , 而我們一轉入橫街便已看到人龍在排隊買雞蛋仔.


我喜愛吃日本式的雞蛋仔, 因為日本吃的太似蛋糕仔, 不過, 因為要應付大量排隊人士, 所以工作人員不停做, 現成的已經堆積如山, 所以應該沒有人可以吃到新鮮出爐的雞蛋仔.



SY:「係囉! 爸爸, 如果唔係凍咗就好食好多, (但你都不停係度食喎), 因為我好肚餓」
雞蛋仔 ¥500 /20粒

店主一邊炒牛舌, 鑊香已經傳遍整條街, 分為三種份量, 細盒的也有7-8片厚牛舌, 所以, 我們也選擇中, 或大Size.


牛舌炒得入味又爽, 不過可能我太熱氣, 所以吃落好像鹹了一點, SY:「不過人哋都寫明鹽喎, 梗係鹹D啦」

其實, 可能是給大家佐酒吃的, 所以, 單吃就覺鹹了一點 ~~ 鹽炒牛舌 ¥500 

之後就是由全條橫街最型的男檔主打理的牛肉卷, 阿太:「咁得意喎, 牛肉包住唔係腸, 而係飯嚟呀!」


我:「我頭先都以為係包大肉腸, 嘩! 包熱飯又幾得意喎, 仲可以飽肚, 幾好食喎」


阿太:「如果唔係SY怕辣, 我哋應該揀泡菜味, 辣辣地一定更好食」(我哋揀加塊芝士都幾好吖)

牛肉卷飯棒 ¥500

由原裝菠蘿分成12份, 再用竹籤插緊放入冰堆中, 阿太:「正呀! 熱辣辣食返支冰鎮菠蘿, 超正啦~」


我:「真係幾甜喎, 日本生果真係特別好食...不過¥300 一支仔就貴咗少少」, 阿太:「人哋一年先做兩晚生意, 支持吓啦」

冰鎮菠蘿 ¥300 

全晚我覺得最出色, 最值得Encore的就一定是抹茶刨冰. SY:「爸爸, 你都快D食啦, 有好多Cream, 好好食呀」


這杯刨冰, 由紅豆蓉, 大量抹茶粉, 再加旺旺雪餅而組成的. 天氣實在太熱, 所以來一杯極
致刨冰, 簡直透心涼


抹茶忌廉刨冰 ¥500

吃飽後, SY便嚷著要玩攤位遊戲, 而「前祭宵山」夜市本來應該至23:00才結束, 但因為我們明天又要再趕回現在看「山鉾巡行」, 所以, 我們逛至22:15便離開.



當然有小朋友很依依不捨撈波波, 射槍, 彈珠機....但也沒有辦法, 不過最後當晚我們回到酒店也差不多23:50, 因為....帶路的我, 中段迷了兩次路, 曉了一個圈才找回車站, 及酒店的位置(汗)


7月17日由上午9時起, 9座鉾車及23座山車便會由四条烏丸開始巡行, 經「四条河原町」到「河原町御池」再抵「新町御池」.


當日氣溫大約35-37度, 雖然天氣炎熱, 但在兩邊行人路的觀眾們全部無懼高溫, 靜待巡行隊伍到場.


我們在接近終點的「烏丸御前駅」等待, 大約到11:00 SY便大叫:「嚟啦...佢哋嚟啦...」


每一輛鉾車也非常巨大, 圍繞在旁拉動的也最少有30-40人, 他們不斷叫口號, 非常整齊的緩緩向前推進...


最後, 所有鉾車及山車也停泊在大街上, 給大家進行檢閱, 可能是年度盛事, 所有有老師帶同一班可愛的小學生來作課外學習.


祇園祭的日與夜, 氣氛截然不同, 一次可以感受180度不同的節日感覺, 今次京都之旅真的過得很充實, 很有意思.

地圖來源:祇園祭 山鉾巡行コース│京都市観光協会

祇園祭
7月1日至31日(特別推薦16日的宵山、17日的山鉾巡遊)
交通:從JR京都站乘車約15分鐘(八坂神社);在JR京都站轉乘地鐵烏丸線到烏丸站下車(山鉾巡行開始地點)


大仁生活facebook

沒有留言:

張貼留言