其實, 今年OP將夏水禮規模改了去威威天地, 小朋友依然都可以繼續玩水, 玩泡泡, 大人就以睇Show為主, 三項大型表演活動也從未在洋公園出現過的.
過去2年, SY也愛在夏水禮場內玩過不亦樂乎, 所以, 今日也要先與豬仔齊齊玩水, 玩泡, 玩水, 玩泡, 玩足一粒鐘.
若不是我們下令要離開去看表演, 我覺得2位小朋友是可以一直玩水, 玩泡直至太陽落山的.
睇日劇, 電影的五個撲水的少年我也睇過, 但真實的韻律泳今次還是第一次....(幾十年嚟海洋劇場, 今日係第一次睇唔係海獅, 海狗表演咋)
原來齊齊整整, 全隊人一齊翻騰, 轉身, 跳躍, 真的很有氣氛, 好睇...如果坐近少少可以更加好看.
睇完韻律SHOW, 我們就準備參加加勒比日間濕身大巡遊, SY:「係咪我一陣有得射水槍呀? (有呀!) YEAH~~」
半百巡遊隊伍浩浩蕩蕩的隨音樂慢慢走過來, 扮成八爪魚, 老虎, 孔雀等的巡遊隊員, 勁歌熱舞後就邀請小朋友們加入齊齊玩...
之後就是最精彩的噴水巡遊, 由隊員帶領小朋友進入瘋狂射水, 浪花四濺, 嘻嘻哈哈, 大人小朋友也玩得超開心...
SY:「真係仲好玩過迪士尼呀!」
完場後, 當然最重要就是跟各巡遊隊員來一張合照啦!!
精彩一浪接一浪, 玩完熱辣辣的濕透身巡遊環節, 之後就走入怡慶坊, 在舒舒服服的冷氣間, 欣賞緊張刺激的特技表演.
SY:「嘩!!嗰個姐姐識縮骨功咁嘅? 」因為表演者要以蓮步舞方式跳過著了火的木欄...目測高度不會高於80CM...好得人驚呀!
我:「最精彩就係E兩個哥哥, 用腳撐起另一個人, 之後仲不停用腳轉佢, Fing佢, SY我哋今晚返屋企都試吓...等我Fing吓你」
SY:「吓? 我點識轉呀? 跌死我會好痛喎, 我唔要」
表演還有拗腰神功, 梯上舞, 全部有投射大布景襯托, 十足十百老匯歌劇, 嘆住冷氣睇SHOW...絶對是最正享受.
吃過晚飯後, 我們便遇上巴西戰舞街頭表演, 原來街上隨時隨地也有表演...大隻佬們動作勁之外, 更不停與邀請上台參與的現場觀眾扮攪笑...
SY:「我真係以為佢要隔離個哥哥一齊打翻斗...原來只係打鼓...爸爸你應該上去啦...(我瘦猛猛鬼識跳咩)」
之後到19:45就是我覺得全晚最靚, 最高潮, 最澎湃的夜光嘉年華, 配合夢幻水都的陣陣烈火, 氣勢一流.
SY:「一陣有冇得出去呀? 係咪又可以射水呀? 好緊張呀!」
隊員當然又會邀請小朋友齊齊跳舞, 不過, 怕濕身的大人們大可以放心, 因為夜光巡遊只會有靚靚搶眼服飾, 再配合煙花, 狂歌熱舞, 開心玩玩跳跳...勁Happy!!
完結巡遊後SY繼續與子子玩過不停...我:「好啦! 要走啦...」, SY:「咁快就要走啦」....由朝玩到夜啦, 仲唔捨得走??? 小朋友真係有無窮精力
動夏嘉年華 2018
日期: 30.06.2018 - 02.09.2018
時間: 10:00 - 20:00 (星期五,六 20:30-23:00 免費入場)
大仁生活facebook
沒有留言:
張貼留言