【維記Pop Up】免費無限任試 24款雪糕 @ 限定58日

暑期準備開始, 維記在中環開設58日限定店, 最煞食, 最賣點, 亦是SY最最最推介的, 就是24款雪糕, 全部免費無限任試食!

Pop Up Store有齊維記所有雪糕, 雪米糍, 牛奶, 乳酪, 甜筒, 總知就是小朋友恩物, 瘦身朋友的邪惡地帶.

 

22 款新口味雪糕杯, 再加「阿華田」及「榴槤」一次過大晒冷！

我們當然不放過機會, Ling姐試過一口榴槤便說:「好似唔係好夠榴槤味喎」, 但對於一個抗拒果王的我, Ling姐一說話我便已經被濃郁榴槤味, 殺過措手不及...

之後SY差不多試盡24款(除了他極度害怕的榴槤), SY:「我最鍾意就梗係朱古力至尊($15), 因為入面真係有朱古力粒粒呀!」

不過, 當這位小朋友試到最後的荔枝後, 情況又有所改變, SY:「荔枝 ($15)~原來都好好食, 好似我平時飲嘅荔枝玉露呀!」(頭先又話永遠都食朱古力)

朋友Ling姐話:「我最鍾意飲紅豆冰, 所以我鍾意食紅豆($15)」而我覺得好Rich好吸引的就是開心果($20) ~ 真係好似食緊凍嘅開心果一樣.

但如果熱辣辣夏天, 我覺得水果味除荔枝好清新之外, 柚子($20), 菠蘿($20) 因為有粒粒果肉, 而且夠爽, 夠清甜, 絶對夏日恩物.

老實說, 我們每款雪糕試一口, 24合一變成大雜錦, 除了好味, 原來也會很飽的喎.

至於全港創新嘅鐵觀音及玫瑰鹽焦糖口味, 前者茶味不太突出, 後者又嫌很濃拖菲味(個人口味不太興趣而已) , 所以還是用開心果混柚子吃過夠.

同場還有全新口味的乳酪飲品, 有原味, 青蘋㨫味, 桃味...我問SY想吃那一款...但他竟然答我:「爸爸, 我食雪糕食到好飽啦...不如下次嚟先買吖...」(鬼叫你免費就搏命試食雪糕咩)

維記牛奶 Pop Up Store
日期：7月5至8月31日
時間：星期日至三：10am-8pm；星期四、五及六：10am-10pm
地點：中環威靈頓街33號地下


大仁生活facebook