【免費消暑3寶】6米清涼滑梯+負20度冰屋+滾動海盜 @暑假好去處 樂富

「凍~凍~凍~凍~凍, 爽~爽~爽~爽~爽~」炎炎夏 日, SY穿著羽纖外套笑住大叫:「哈哈! 大熱天時著羽纖, 爸爸! 好多雪呀! 我唔想出返」

因為今個暑假, 樂富又有免費活動, 今次不論大人, 小朋友都一定鍾意, 因為可以消暑, 又可解悶, 仲可以玩過痛快添!

 

令SY震住牙關, 不停玩地上假雪的, 就是樂富的免費零下20度冰屋體驗, 雖然屋仔小小, 但香港夏天實在太熱, 一走入冰屋內, 真的有走到南極感覺.

冰屋入面有小企鵝, 更有冰封的心掛飾...SY好驚訝:「哎呀! 個心真係用冰做喎, 真係滴緊水呀!」

這5分鐘的免費玩冰屋, 真係超正, SY:「爸爸, 我唔想出返去得唔得呀!」

至於如何誘惑小朋友重返熱辣辣人間呢? 就是用用旁邊的八號風球~大風吹瀡滑梯!!

真正大人都可以玩的瀡滑梯少之又少, 今次絶對是"有睇頭", 而且不是小兒科, 足足有 6米長, 不是一瀡就到地的水皮滑呀!

SY:「Yeah! 我要再玩, 爸爸, 好攪笑, 臨尾好大風, 會吹住你架...」 所以這條滑梯的名字就叫做八號風球！

玩完瀡滑梯, SY又再大叫:「嘩!Korokoro Viking 我想玩, 我想玩」 原來場內有一個模仿早前SY經常追看「VS嵐」的滾動海盜遊戲.

5位工作人員齊齊走過來與SY齊齊玩, 藍色的冰極滾球由上而下..不過, 遊戲並不容易, 因為經常會入跌入窿.

雖然大家互不相識, 不過, 齊齊玩又好夠氣氛, 姐姐:「左D高D...」哥哥:「避開個窿...」結果, 當然滾球又再 掉落窿, 暫時也未有分數!

現在還有工作坊, 可以自製水晶球, SY:「爸爸! 我仲以為可以自製頭先冰屋入面個冰冰心添」

我:「哦! 冰封的心係可以用優先通行証, 唔駛排隊玩遊戲, 仲送畀你, 你想要冰冰心定係特飲吖?」

SY:「咁梗係要特飲啦, 佢好出煙, 又可以飲, 個冰冰心咁熱, 溶咗又無咗, 又唔飲得...我想要芒色特飲呀!」

加入了乾冰的芒果特飲, 及我的迷蝶花特飲不停冒煙, 雖然離開了冰屋, 一樣好冰極, 好透心涼呀！

PS: 以電子貨幣即日消費滿指定金額, 可換「冰極通行證」玩遊戲, 入冰屋免排隊及送特飲/冰封的心.


動感冰夏Summer Freeze
日期：2018年7月12日(星期四)至8月19日 (星期日)
時間：下午12時至8時
地點：樂富廣場A區



大仁生活facebook