SY很興奮:「去玩水, 去玩水, 有得玩水」, 其實, 我真的不知道阿囝原來如此喜愛.
當然, 玩水前也要先CHECK-IN, 走入房間放低行李, 休息一下...(其實, 由屋企走來天水圍也要一粒鐘多少少嘅)
今次我們的住的房間, 可以望到天圍泳池, 及樓下水上遊戲區, 一看到有得玩, SY又緊張的問:「落得去未呀?」
在不停被人催促的情況下, 當小朋友換好泳衫便立刻走到3樓平台的戶外水上遊戲區放電.
4項戶外水上遊戲, 包括水上滑梯、水上碰碰船、水槍大戰及城堡彈彈床, 每一項也可以免費任玩10分鐘.
SY及豬仔玩了滑水梯超過10次, 又上又瀡, 又瀡再上, 而且還比拼水花量的大細添.
水上碰碰船比較文靜, SY還是對旁邊的水槍大戰虎視眈眈....
最後, SY與工作員水槍激戰足足10分鐘, 還是未夠喉的說:「吓? 咁快玩完, 我想再玩呀!」
玩水過後, 酒店為特別為小朋友準備了一個銅鑼燒製作班, 由Ken叔叔為大家講解及示範.
熊啤啤銅鑼燒, 阿太說:「係咪輕鬆小熊嚟呢?」, SY:「我哋要開始打雞蛋啦!」, 煮食我不太懂, 只要跟足Ken師傅的指示就搞出一個蛋醬, 準備去煎銅鑼燒.
倒蛋醬對一個從未煮食的小朋友絶對是一大考驗, 幸好旁邊有助教幫手...兩做到2塊輕鬆小熊頭, 真的全靠助教姐姐出手又出力啦...
我:「原來仲有蛋醬剩喎, 不如你做多一塊畀我食啦, 唔好嘥咗D蛋」, 結果, 我第一次食到由阿囝親手煎的1/4塊班戟, 為何是1/4塊呢? 因為有小朋友肚餓, 自己食了半塊囉.
最後, 我們為真‧銅鑼燒塗上牛油, 加芒果, 再用朱古力打造熊仔眼耳口鼻, SY:「完成啦...爸爸, 不如你快快影相啦, 我想食啦」
自己銅鑼燒自己食飽飽之後, 酒店還有任務給兩位小朋友.....(其實, 我們大人都跟住一齊做...我仲想話休息一陣添)
就是到酒店的指定5個地方, 進行擴增實境(AR)大自然之旅.
任務就是要走齊大堂, 酒店門口, 剛才的水上戶外區, 餐廳, 及遊戲室, 用手機點向AR小動物, 之後動物會告訴了一個環保知識.
集齊5個有關保護大自然的資訊, 最後走回前枱, 工作人員就會送一隻小公仔給你.
周圍走來走去, 看一看時間, 原來又已經到黃昏6點半, 我:「Yeah!! 正呀! 我全日就係食咗阿囝你造畀我嗰1/4件銅鑼燒, 就係要餓住個肚, 食回本自助餐」
正當我左影右影之際, 原來阿太已經不停拆蟹腳...阿太:「識食一定係食蟹腳, 啖啖肉, 又夠鮮, 我鍾意」 回本位1: 松葉蟹腳
同一時間, 豬仔爸已經KO了半打生蠔, 並說:「等我飲杯水就再出去攞過!! 」 (5分鐘未到已經食咗6隻...果然功力深厚)回本位2: 冰鎮紐西蘭/美國生蠔
我推介的回本位3: 清酒大根牛尾, 這個燉湯非常入味, 其實一點酒味也沒有, 蘿蔔腍, 好飲到不得了.
現場有師傳即場切的蜜汁豬扒, 及我覺得超好食的回本位4 : 燒美國牛肉眼, 我排了4次, 最終一次點了兩塊...師傳:「你飽晒未呀?」(好食吖...比起豬扒, 牛嘅味道真係贏幾條街)
小朋友表示想想介回本位5 : 白桃凍+朱古力意大利芝士蛋糕, 我:「其實你覺得點解推介呢? 」
SY: 「因為好食囉, 總知就係好食, 我唔識講 」其實, 餐廳的甜品不太甜, 又易入口, 這兩款又確實可以推介的.
玩完一整天, 真的攰到一個點, 快快沖涼後, 就睡覺, 今晚凌晨一點半我就關電腦休息, 真的有多久, 沒有早過2點睡呢? 而且更加一覺睡到大天光, 真的健康甜睡8小時是也.
嘉湖「夏」逸AR體驗親親大自然之旅
日期：13/7-26/8/2018 (星期五至日)
港幣$980起 (2成人 + 1小童) 可升級Deluxe Parkview 加$250 / 普通Deluxe Room 加 $150
(於7月15日前預訂有85折優惠)
優惠：
‧ 標準客房住宿一晚
‧ 紐約紐約國際美食自助早餐
‧ 親子AR體驗大自然之旅
‧ 神秘禮物（每位小童乙份）
‧ 戶外水上遊戲四項
‧ “Bear啤”鮮果銅鑼燒製作班（乙節）
‧ 免費使用室外游泳池、健身室、蒸氣浴、桑拿浴、小朋友俱樂部及戶外遊樂場
Website：https://www.harbour-plaza.com/resortcity/SpecialOffer-summer2018-tc.htm
Facebook：https://www.facebook.com/HarbourPlazaResortCityHK/
大仁生活facebook
沒有留言:
張貼留言