網頁

2018年6月20日 星期三

【Domon新開居酒屋】日本北海道地道小食 5大推介

Domon居酒屋 九龍灣新店開業, PR姐姐邀請去試食, 我問阿太:「Domon開咗幾十年, 有咩好試?」


阿太:「唔係喎, 佢不嬲係開拉麵喎, 今次居酒屋我都未聽過, 我都好想去影D杯緣子相喎」

 

海老惠方卷 ($68), 這個是我們三人一致覺得正的卷物, SY:「E個惠康卷好好食呀」


阿太:「唔係惠康, 係惠芳, 好足料呀! 有青瓜、黃瓜、蟹柳、甜蛋、櫻花粉、仲有成隻蝦添」


正當SY慢慢咬之際...阿太即示範惠方卷正確食法:「你要成舊"隊"入口, 咁就代表你祈福許願, 嚟緊E年你都會好幸運啦」(咁我一家人都好幸福喇)

推介: 海老惠方卷 ★★★★★


醬燒豚丼 ($68) 一上枱已經聞到黑毛豬的香味, 雖然我食不出這頭豬生前是不是如Menu說是「只吃橡果」, 但肉質嫩, 又有肉味.


SY:「好食到唔使點咬就吞到」(這位奄尖大少不時"韌 "少少也吞出來, 今日行動証明好食, 因為所有豬肉食晒」


SY:「如果再多D汁就好D, 因為E家有D」

推介: 醬燒豚丼 ★★★★★

之後來了一樽非常特別的"青梅醋清酒" , 特別在於樽的中央是有一個凹位, 可以放入冰塊鎮凍清酒而又不會稀釋了酒的濃度.


阿太:「正喎! E隻酒好啱女士們架, 唔太濃, 又甜甜地, 最正就係一邊用"醬油川海老" ($35)佐酒, 鹹鹹真係一流」(不過, 我就唔太鍾意醃乾了的鹹蝦, 所以自己覺得麻麻地)

推介: 青梅醋清酒 ★★★☆☆

燒栗子薯($28)、燒秋葵($28)、燒免治雞棒串($42), SY愛食啖啖肉的雞棒, 不過我略嫌太, 本來就愛吃秋葵的阿太, 一口便將秋葵咬入口.



我說:「不如你試吓串燒栗子薯, 超甜超好味...」, 結果阿太食不停口說:「我真係未食過燒得咁甜, 栗子薯蓉真係好嫩好食到咁」

推介: 燒栗子薯 ★★★★★


芝士海老脆脆($48) 這是炸蝦膠角, 阿太:「夠彈牙, 夠香, 但點解無芝士呢?」


原來, 芝士是另上的, 而且加了少少辣入芝士...我:「幾得意喎, 點解D芝士唔釀埋係入面呢? 不過我反而唔係咁鍾意佢帶辣, 感覺少少怪」

推介: 芝士海老脆脆 ★★★☆☆

天然火山石清酒煮花蛤($68), 店員會在你面前贊酒, 再附上一個小沙漏, 給你計時焗3分鐘的. 小朋友不知幾鍾意個漏斗. SY:「我睇我睇...3分鐘後我叫你」


花蛤一共有12隻, 不過好似多數也比較瘦, 阿太:「雖然清酒蒸發晒, 但都好有酒香, 不過D清酒都真係幾"哽"」




Domon居酒屋
地址 : 九龍灣淘大商場三期地下G261-265號舖
電話 : 2790 2221
時間 : 11:30 至  22:30 (星期一至日)



大仁生活facebook

沒有留言:

張貼留言