【天仁茗茶Cafe】913珍珠奶茶梳乎厘班戟 仲好食過 gram

最愛食梳乎厘班戟 的一家, 當阿太發現天仁茗茶竟然有得食梳乎厘班戟 , 二話不說衝去九龍灣.

沒有做足功課的我們, 還以為Cafe開在德福, 原來正確位置在淘大一樓的一個開放式位置...



當我們一邊食, SY說:「點解E度會時不時震震吓嘅?」, 我:「唔出奇吖, 專登畀你測試梳乎厘班戟震唔震騰騰囉」(其實係唔係MTR經過呀?)

我們先點特級綠茶紅豆梳乎厘班戟($42), 因為即叫即製, 所以大約等待時間為10分鐘.

賣相真的有點扣分, 阿太:「睇個樣好似好乾, 好細, 好瘦, 原來食落又算軟, 算綿, 算有空氣感喎」

可惜, 抹茶味不夠, 可能就是因為抹茶醬不夠綠色??  阿太:「好彩佢D紅豆唔係好甜, 否則D紅豆味搶晒」

之後我們再點, 913茶王梳乎厘班戟($42)，SY:「哎呀! 好食好多呀! D珍珠好煙韌呀!」

阿太:「雖然佢D奶茶味都唔係好勁, 但同個班戟好夾, 好食好多呀! 用D珍珠嚟送梳乎厘班戟原來口感咁得意」

阿太問SY:「你覺得E度好食D, 定係TheONE gram好食D?」, SY:「咁一定係E度, 因為TheONE好硬, 不過, 其實旺角$29又好好食, 不過佢無珍珠奶茶味囉」 (相關網誌: 【我唔識食gram】實戰~等足4粒鐘!! 梳乎厘班戟)

最後, 就是御選綠茶瑞士卷($28), 因為上次去日本7-Eleven食過抹茶卷蛋, 一試難忘, 可惜, 此情不再, 這個瑞士卷級數還未夠班.

SY:「不過, 佢送咗三粒小丸子, 我鍾意食小丸子呀, 卷蛋媽媽食啦, 我食小丸子就得啦」

天仁茗茶Cafe
地址 :牛頭角道77號淘大商場一期1樓F46-47號舖                                                                         
電話 :2886 0565


大仁生活facebook