網頁

2018年5月11日 星期五

【熊本食食食】地膽推介‧蒸牛‧燒肉‧Gelato

在熊本人生路不熟, 又想試地道美食, 幸運的有地膽推介, 吃了兩餐的牛, 也是超絶好食, 香港要享受這種質素, 價錢可能多一倍也不止.


其實, 香港 Mxx Mxx Cxxx 牛x鍋 一樣有蒸籠料理, 不過質素一比較, 即使是鹿兒島和牛, 可能運到來香港, 肉質也不及"當地牛當地吃"的高質.


餐廳就在中央区下通, 瘋狂購物完才去食蒸肉, 可以慢慢檢視戰利品, 慢慢享受"無得頂"和王牛+豚肉.


部長啤酒有部長專屬杯, 為了部長也不得不點一杯來呃Like一下.


蒸籠百寶箱餐 有和王牛筋肉 及 龍膽五花豚肉, 店員會為你的蒸籠睇"火", 所以絶對不怕肉會蒸得太老.


牛是最出色, 又嫩又滑, 入口即化, 肉汁又夠出, 一食鍾情就是這個感覺. 豚肉不是不好, 只是略遜於牛, 但已經較香港的優勝十倍.


阿太:「你一定要試E盤菜, 我從未食過咁鬼甜嘅菜...」店員說, 因為是每朝由農場新鮮採摘即食的, 所以味道零舍不同. (單看平時不吃菜的小朋友也吃了4,5片薯仔, 蔬菜就知)




蒸籠百寶箱餐 (和王牛+豚肉2款) 7900円

農家餐廳 しのじの
熊本市中央区下通1丁目10番3号
銀座プレイスKUMAMOTO8階
http://shinojino.jp/menu/menu-ch.html


燒肉香港經常吃, 不過單單看芦北牛的筋肉紋路, 油脂出眾, 色澤粉嫩, 簡直一整盤肉在呼喚著我.


肉燒大約30秒, 一放入口, 輕輕一咬, 汁與肉渾然天成到你會食到停不到口.


SY:「真係好好食呀! 不過, 媽媽燒嗰D好似難咬D」


 我:「當然呀! E啲肉咁正, 一定唔可以燒得太耐, 嗱...我畀一件燒分半鍾, 一件燒30秒嘅你試啦」


阿太:「真係喎...30秒嗰件好食好多喎」, SY:「係呀! 係呀!」


我:「燒30秒肉質就等於18歲, 燒分半鐘就變成58歲囉」我真的未食過如此好味道的牛....而且只是1980円/一人前...


如果這個質素, 香港最少收$498...今餐真的超和味, 好食得超難忘.

JA芦北ぎゅーぎゅー亭餐廳
時間: 11:00~15:00 / 17:00~21:00
定休日: 每月第4個星期四
地址: 芦北町佐敷443
電話: 0966-82-3691


最後推介的就是在宇城彩館的柚子Gelato, 其實還有其他水果的Gelato雪糕, 不過因為熊本盛產柑橘, 所以地膽推介一定要試...


單球270円, 雙球370円, 不過朱古力控的SY竟然不聽推介, 指定要抹茶配朱古力, 還對我說:「爸爸! 我唔要食水果味...」(你真係蠢)


因為柚子Gelato不但仍保留天然的甘甜, 而且還有粒粒柚子肉, 簡直無與倫比, 雪糕绵密细腻.


其實, 坐在農產品市場外, 慢慢吃著一杯柚子凍, 滿滿的水果, 一點也不似一杯雪糕...真的享受著大自然與滿滿鮮花陪伴下, 毫無罪惡感.... Yeah!! 正呀!



宇城彩館
 熊本県宇城市松橋町久具757-3
JR「鹿児島本線 松橋駅」県道181号線東行9約)3km
http://ukisaikan.jp/



仁生活facebook

沒有留言:

張貼留言