2018年4月4日 星期三

【日本真係乜都正!!】便利店食買玩 抹茶卷蛋 熊本熊 杯緣子 EVA@博多去熊本

第一次飛去熊本探熊本熊, 因為我們在福岡機場降落, 所以需要轉乘地鐵至博多站再坐新幹線至熊本.


心急仁當然不會放過中間40分鐘的等待時間, 一於來一個駅店大搜查.


SY:「E度真係周圍都係部長, 連部長底褲都有呀!」我:「因為熊本市每間舖頭都一定有熊本熊」


熊本熊 底褲 (¥1296)


熊本熊 匙扣 (648)


熊本熊 模型 (¥3780)


SY:「E個大部長我好鍾意呀!」我:「不過佢係非賣品, 無得買啦」....這時阿太已經大叫.


阿太:「福岡限定呀! 雪糕杯緣子,  行李杯緣子正正正, 買買買 (¥540)」 (結果, 不用思考, 5隻不同顏又入了我們行李了)


每次到日本便利店, 也一定找一些有贈品的飲品, 今次的伊藤園抹茶 (¥129)送三款輕鬆小熊樽袋.


阿太:「買啦...一人一支, 我哋入咗小雞袋, 白熊袋, 小熊袋就可分到邊支係我哋邊個囉..買買買」(結果, 又買了三支, 儲齊一套)


SY:「爸爸! E度隻小白兔好得意, (我:仲有一隻雞仔添喎, 係甜品蛋糕喎, 你食唔食呀?) 食...梗係食啦」


原來, 這是我們買的是雲尼拿朱古力慕絲小白兔 (¥328), 有人吃不停, 不停吃...


SY:「好食...有朱古力蛋糕, 仲有朱古力碎碎」(真係好唔錯, 又唔太甜, 又有唔同層次)


而我最開心便是買了EVA新幹線限定水(¥486), SY:「爸爸, 點解你又唔買白色, 同黃色嗰兩支新幹線水(¥378)?」


我:「我E支紫色係EVA限定呀! 你唔好開呀! 我要嚟儲架」


其實, 因為晨早飛機原故, 我整個機程也在睡覺, 並沒有吃過任何飛機餐, 所以, 便買了一個便當上新幹線吃.


我本來又想買新幹線便當, 可惜一早便已經售罄, 於是我買了三色便當 (¥770), 阿太:「點解你要買E款呢?


因為便當店貼上這是第一名, 我:「三隻色都幾靚, 又有甜豆, D肉鹹鹹地又幾意, 沒有所謂啦, 去到熊本, 我哋又食晚飯, 唔駛食咁飽, 是單食囉」



晚飯後, 我們當然不甘心即時回酒店休息, 再到附近便利店左逛右逛是慣例,  阿太:「我哋買E兩款抹茶做甜品囉...頭先Kathy話好好食.」


在沒有期望下, 這兩款久丸小山圓抹茶甜品真的驚喜, 我:「 抹茶(久丸小山圓)卷蛋(¥210) 超正...原來D抹茶可以濃得咁緊要」


阿太:「抹茶(久丸小山圓)小班戟((¥160) 都好食吖」, 搶食中的SY:「真係好好食...」


我:「卷蛋正過班戟, 因為無紅豆, 我決定買一打返香港先得」


Special Thanks to :
JAグループ熊本
Japan Collect
農協観光(グリーンツーリズム )


大仁生活facebook

沒有留言:

張貼留言