可能因為復活節花蛋只能拍照, 這絶對是大人的玩意, 小朋友又怎甘心於只可遠觀而不可參與呢?
所以, 即使我們4個大人也想跟小朋友於每款新舊花蛋大合照...兩位大帝還只是手持地圖, 見到新的花蛋劃個記號便離開.
但如何可以分辨出新與舊的花蛋呢? 因為我們有迪士尼忠粉小豬媽...她說:「我兩年都有嚟...所以記得晒囉」(其實, 我都有嚟...不過仁老, 記性差)
今日, 很高興第一次看到沖天救兵的羅小飛及卡叔...我問卡叔:「不如一齊Fing手得唔得...」
卡叔手語表示, 我要扶著拐扙, 只可以單手跟你們做動作...(都好過無吖)
一走入探險世界的繽紛市集, 兩位小朋友便已經著了魔一樣, 被箇中的六大攤位遊戲所吸引...
有拋波, 有掟波, 有幸運輪, 有運輸球等6個不同遊戲...小朋友很想玩, 雖然獎品永不落空, 但一次$50元, 參與一次啦!!
頭獎有大公仔....大獎當然沒有我們份...不過每次參與也一定有Pins 或 TsumTsum 公仔.
今日, SY揀了CHIP的PINS...玩過遊戲, 當然便去醫肚, SY問:「點解咁早食飯呢?」因為我們要在19:15趕到小鎮大街看「We Love Mickey!"大街投影盛演」.
光影投射於美國小鎮大街兩邊大廈外牆, 由最元祖的米奇, 一直進化至2018年版本的米奇老鼠....
燈光, 音樂, 影像, 全部氣氛十分高漲, 因為幕幕畫面也精彩得不得了.
最後, 真‧米奇現身並且以噴大量金色碎紙作全晚演出的終結, 好. 靚. 呀~
在場大小朋友不停伏下拾起金色碎紙, SY:「有D係米奇頭圖形嚟架....」
開開心心又在樂園過了一整天!! 下次有機會再入園探米奇啦We Love Mickey!
「迪士尼巨星嘉年華」
日期: 2018年3月15日 ‑ 6月20日
時間: 上午10時30分 ‑ 下午8時
大仁生活facebook
沒有留言:
張貼留言