2018年4月29日 星期日

【撐夫妻檔小店】超正 !! $38 豬扒白咖哩烏冬餐+愛的菜脯

話說早前不斷走訪長沙灣, 就在元州街恒生的凹位發現這間並不起眼的小店, 心血來潮我們又走入去吃午餐.


本來只有阿太揀了 豬扒白咖哩烏冬 $38 , 我也想跟SY一樣點選九洲豬骨湯烏冬, 但女店員說:「我們的白咖哩真係唔錯架...」, 一聽到這樣說, 我也沒有理由再吃大大路的豬骨湯吧!


這裡的麵餐非常抵, 因為全部附送冷或熱的柚子蜜, 我問:「晚餐價錢是不是不同呢?」, 店員說:「唔會...一樣, 我哋新開張呀! 而且你都見我哋個位有D被遮住咗, 所以做平D先, 希望吸引多D客先啦」


白咖哩好好食, 清甜中有少少薄荷, 洋蔥及薑的味道, 辣又不算辣, 再神來之筆...


 一定是那腍到不得了的白蘿蔔, 還有吸了無限精華的豆腐卜是也.


SY:「個豬扒好好食呀!」, 炸得非常香, 非常脆, 最重要還保留了肉汁, 非常好食的豬扒~正!!


店員推介要吃菜脯, 最愛辣的阿太當然不會放過機會, 結果...阿太:「真係超正呀! 夠辣, 惹味, 好醒神呀!」


這裡的小食也是又便宜又低, 絲網海鮮春卷 $20/3條, 還有我的最愛甜品, 黃金炸曼頭 $15/4個...



八卦的我後來發現, 原來小店是由甘先生兩夫婦合作經營的, 我問甘先生:「你又會諗到咁正嘅白咖哩呢?」


甘先生:「因為我哋鍾意食麵, 之前食過沙嗲王嘅白咖哩, 想試吓轉做麵嘅湯底, 點解原來咁夾」


(你哋D菜脯都好正吖) 甘先生:「其實係我老婆鍾意食, 佢食親麵都要菜脯, 所以我就托朋友去湖南攞D辣粉返嚟自己整菜脯 (原來係為太太而整嘅愛的菜脯)」加油!! 有心有誠意的小店, 好食呀!



薰甘同味
地址 : 長沙灣元州街399號喜漾地下2號舖
電話 : 54051484
時間 : 星期一至六 11:00 - 15:00/18:00 - 22:00
(星期日休息)


仁生活facebook

沒有留言:

張貼留言