【止住咳先】復仇者聯盟3無限之戰 @ Thanos的手套 Avengers: Infinity War HOTTOYS

期待3年, 復仇者聯盟3 Avengers: Infinity War終於等到啦!! 三年又三年, 每次都是4月尾的聚會...究竟美國隊長今集是不是真的會死呢?

子子:「美國隊長老咗囉 ...(吓? 無見2年乜真係老咗咁多)...係真係架, 真係老咗」

SY:「Hulkbuster個樣都唔同咗, 好似BB咗」(點解人就老, 機械人就愈嚟億後生嘅?)

一霎眼Marvel Studios 又已經十周年, 今次的《復仇者聯盟3：無限之戰》展, 其實似十足歡樂今宵, 因為幾套Marvel戲的主角全部會在第三集出現

銀河守護隊 3個主角; 美國隊長; 奇異博士; IronMan; 蜘蛛俠; 雷神 ; 變形俠醫; 當然不少得今集大奸角, 由群星拱照登場的 終極Boss Thanos（魁隆）

Boss 齊集了6粒無限寶石的無限手套（Infinity Gauntlet）更遍佈全場, 毛公仔版, COSBABY版, 1:4 HotToy版之餘...

更加有一隻預定1:1 終極版, SY:「嘩! 咁大隻手, 如果放係屋企閃下閃下真係靚啦...」($5780仲要預訂...如果你送畀爸爸就真係靚啦)

今集樹人又長大了...我還是覺得BB樹人得意好多...中童樹人開始打機, 十足十SY一樣囉.

今次展覽真的以大取勝, 除了大堂有10隻1:1主角之外, 溜冰場更加有一隻6米高 「鐵甲奇俠Mark 50」(點解Mark50咁大隻嘅呢?)

UG層更有電影道具, 服裝, 武器展出...SY:「其實 奇異博士叫 奇妙博士仲好啦...奇妙草, 奇妙花...」

子子:「奇妙博士奇妙博士奇妙博士...」兩個小朋友又笑哈哈走來走去.

免費IG晒相服務, 有著數我又怎會放過呢? 雖然我也不知道印出來的相最終又給我塞了到那裡....

今次, 我最有衝動買的現具就是食爆谷小子...還有一個金IronMan一對 ($218)....不過, 最後也放棄...

SY:「爸爸, 你又話鍾意?」, 我:「我唔想又跌入COSBABAY個坑, 因為E個又係另一個萬劫不復嘅地方嚟....我都係訂隻HOTTOYS美國隊長算」

Marvel 10周年及《復仇者聯盟3 無限之戰》展覽
日期 : 4月14日 ‑ 5月8日
時間 : 上午10時 ‑ 下午10時
地點 : 九龍塘又一城



大仁生活facebook