網頁

2018年3月31日 星期六

【我唔識食gram】實戰~等足4粒鐘!! 梳乎厘班戟的空氣感呢? @ Souffle Pancake

自從阿太知道gram登陸TheONE, 不時提醒我3月31日開幕一定要去排隊...


阿太:「香港話係每日11am、3pm及6pm各供應20份, 即係同我之前去大阪食一樣啦....我哋一點好去排隊啦...」

 

結果, 一點去到15:00的20個籌號己經派完, 原來朋友Erie及Raymond也在隊中, 不過, 即使他們願意與我們分享一份Souffle Pancake, 店員也不批准加人數.


於是我們便唯有在尖沙咀徘徊, Erie:「唔緊要, 你哋周圍行吓先...我哋食完出去同你哋排住隊先, 你哋4點左右返嚟就得」


不過, 4點30分我們回來, 店外情況更加混亂, 店員:「TheONE唔畀我哋一直排隊呀... 所以我哋5點先可以畀你哋排, 但我E家唔可以講畀你知條隊係邊度...」(吓? 咁都得)


不過, 因為Raymond12:15分排了一次, 大約得知會在門外玻璃欄附近登記..... 所以, 即使現場很多人起哄, 他也為我們排了2號籌...真的十分感謝他...否則我們也沒有得吃.


4cm高度的梳乎厘班戟, 我見I Love You Dessert & Bar 及 am.pm 製作Souffle Pancake也不用圍紙, 便可以在熱板上「吱」蛋漿喎...可能是謹慎行事吧!


Souffle Pancake一上枱, SY大叫:「Yeah!! 有得食啦...」(但點解好似無乜蛋香味呢?)


震騰騰是有的, 不過用刀切下去, 明顯過江龍的質感鬆軟程度不及旺角兩大街坊品牌...(傳媒又話班戟粉漿跟足日本店的原材料呢?)


班戟很挺身, 我吃了1/4....「點解口感咁似無芝士味嘅半熟蛋糕, 蛋味好少...如果加埋楓糖漿、牛油吉士、忌廉...真係食漿多過食蛋, (SY:「我反而鍾意...我愛食甜嘢」), 咁淨係畀漿你食咪得囉」


阿太:「我上次係大阪食gram都唔係咁...點解香港版本好似無乜空氣感咁呢? 我之前好挺又大件」


我:「我應該唔識食...我都係鍾意香港I Love You Dessert & Bar 及 am.pm 嘅Souffle Pancake多D...大佬!! $138...我係旺角$29蚊咋, Souffle Pancake我都係鍾意空氣感重D嘅」


阿太:「下次我哋去日本試幸せのパンケーキ, 大阪同事都話正, 反而佢又無推介過gram咁」

cafe & pancake gram
地址:尖沙咀 The ONE L408
時間:其後11am-10pm (用餐限時90分鐘)
Souffle Pancake 每日11am、3pm及6pm各供應20份


大仁生活facebook


1 則留言: