2018年3月13日 星期二

【火焰班戟】新開長洲小店食好嘢 @ Corner Garden

我們又入長洲玩玩食食啦~ 今次去試一間剛剛開業的班戟 店!! SY:「我要食朱古力雪糕班戟」


吸引我的並不是普通班戟 , 而是火焰牛油果班戟 $42 ...所以, 今次還是不要吃雪糕有火焰是常識吧!


可是雪糕控的SY不停嚷著要食雪糕, 於是我問店員:「火焰牛油可唔可以加雪糕?」, 店員:「味道唔係好夾...不如你加$15, 我另外畀一杯雪糕你?」(SY:好呀! 好呀)


店員先製作班戟皮, 之後切出牛油果, 並逐一舖在 班戟皮上, 再放蛋黃醬


店員一邊燒蛋黃醬一邊問我:「你想唔想食香D? (我:想呀) 咁我燒燶D畀你...」


其實, 他一邊燒, 已經有陣陣的香味傳來我這邊, 阿太接過班戟, 試了一口大叫:「嘩! 好食喎, 原來燒咗嘅蛋黃醬咁香」


我:「我第一次食鹹味班戟, 佢又有少少甜, 班戟皮又有少少焦香, 好夾好好食喎」


SY:「我覺得我個雪糕好食D」(Mövenpick嚟架喎, 唔會差得去邊啦...細路)


我問店員Kelvin:「你又會諗到火燒班戟?」, Kelvin:「香港人鍾意食蛋黃醬, 我哋又想試少少新嘢, 所以就試吓夾生果, 原來火燒蛋黃醬同牛油果好夾, 所以就做咗E款 班戟出嚟」


我們還試了今日的特飲, 香橙梳打($15), 一杯梳打加入碎橙肉, 及三份一隻橙而成.


SY:「係有橙肉嘅芬達」阿太:「SY你試吓D橙肉...」SY咬了一口大叫:「係冰嚟架, 橙肉邊有咁大粒呀」(橙肉係浮面細細粒, 大大粒嘅雖然都係橙色, 但就係冰嚟)


PS: 隔離海味店的賴叔叔及姨姨不停為途人推介班戟店, 又解釋材料製作, 我好奇一問:「你哋分租半個舖位畀佢哋呀?」


賴叔叔:「點會有人拆半邊舖畀人架, Kelvin係我個仔, 後生仔想做, 幫吓佢啦」忽然覺得這條小巷充滿愛, 年輕人加油呀!


Corner Garden Crepe & Drinks  
地址: 長洲大新街61AB號
時間:12:00 - 20:00
電話: 2981 1972


大仁生活facebook

沒有留言:

張貼留言