網頁

2018年3月30日 星期五

【文青手作店開Cafe】樹下嘆自家製窩夫+糖漬特飲@長洲

朋友說:「島中坊研係中興街天后宮前樹下開咗間Cafe喎!」我:「吓? Amy 同 Stephen唔係忙住手作做袋?? 仲有時間開多間Cafe?」


沿用小情侶一貫文青風, 樹下店為中學路帶來一陣小清新...一走入店, 右手邊是島中坊研的特色包包, 左邊就是Cafe, 店舖後方就是工作室.


打過招呼後, 我問:「無端端點解你哋會開咗間Cafe?」 Stephen:「因為之前我哋一直係三樓做袋, 搬嚟搬去唔方便, 加上我哋想做多啲Workshop, 所以租咗間地舖, 就順便做埋Cafe」


我看到Amy在搓粉....我問:「你係度做咩?」Amy:「搓粉做窩夫 ...(你哋D窩夫真係自己搓架??) 係呀!」


於是我們點了一份自家製窩夫 (原味+抹茶)配雪糕 $36....阿太:「D窩夫即造暖笠笠, 好好食...」


SY:「加埋D雪糕一凍一熱仲正」阿太:「我覺得原味香D, 軟D, 好食D」


Amy:「因為D麵粉溝咗抹茶粉, 我搓都覺得黏咗...所以我自己都係鍾意食原味...」(咁就係點解原味好食D囉...因為老闆娘自己都獨愛原味:))


阿太:「抹茶latte ( $26) 好濃茶味, 好香好正....」SY:「係呀!係呀! 好飲呀! 」(我家有兩位抹茶怪)


糖漬草莓梳打$28 (糖漬自家浸一星期) SY:「我又鍾意抺茶, 又鍾意E杯梳打, 因為E杯可以自己添...同埋D糖溝埋D梳打, 飲落個口會卜卜卜卜卜...好得意」(阿太:乜你形容得咁複雜嘅)


如果好天氣, 黃昏坐在門外樹下嘆窩夫,  梳打, 絶對賞心樂事~



相關網址:【小島有情】長洲情侶擋~拍擋賣手作 @ & 賣藝


島中坊研樹下店
地址:長洲中學路16號
營業時間:12nn-7pm
電話:5480 6627


大仁生活facebook

沒有留言:

張貼留言