【新春迪士尼】福袋入面有D乜? @ 旺旺入園

農曆新年入園, 我也是第一次. 我對SY說:「爸爸! 好想知市集賣新春福袋入面有D乜呀!」

SY:「但我最想同豬仔玩喎...快D去玩啦」



迪士尼真的每2-3個月便有新攪作, 今次我們可以與財神高菲, StellaLou, Duffy合照之餘...SY最興奮就是與新朋友Selfie.

豬仔媽:「E個黑色人叫咩名呀?」我:「黑豹! 套戲啱啱上咗, 我好想去睇」

今日, 兩位小朋友說要做導遊帶團, 於是我們便跟隨他們行大運, 因為要由ToyStory 繞過灰熊山谷, 才轉回去小小世界, 真的名符其實「新春行大運」

18:00 迪士尼新春市集正式開市, 但最初我們不知道位置, 我:「乜唔係畫畫室前面嘅? 不如入去詢問處問吓職員」

市集中的最受歡迎環節一定是兩大車的福袋活動, $100的福袋內裡有$400的迪士尼精品.

而且非常多人搶購, SY:「爸爸...要抽架喎, 我好怕抽到女仔嘢」, 職員:「放心, 我哋有分女仔福袋, 中性福袋的」

結果, SY怕抽到不想要的玩具, 拒絕選購, 原來, 福袋內裡有4項精品, 分別是: 頸巾, 匙扣公仔, TsumTsum公仔, 及一個Pin.

一檔檔戶外小食亭, 有麥芽糖米奇多士、米奇砵仔榚及雞蛋仔...但說到最受我們位導遊歡迎的一定要爆谷.

因為爆谷可以試食, SY及豬仔二口同聲大叫:「最好食係紫菜味...好食....好食」, 不停食完再拿, 拿完又食....好開心的兩位導遊先生.

入園的時間過得特別快, 很容易又要8點, 我:「原來無咗煙花, 夜間巡遊咁夜都未做喎...」
SY:「我真係有D掛住煙花」 (希望之後有返啦)

新春迪士尼活動
日期:  1月18日 - 3月04日
迪士尼新春市集
時間: 18:00後睡公主城堡前空地


大仁生活facebook