2018年2月24日 星期六

【金寶綠水啟暴龍】6粒鐘社群日捉粉紅色迷你龍 @ Pokemon GO

今日, SY已經期待了2星期, 因為2月24日是Pokemon GO的社群日!!


他一早已經訂下時間表對我說:「爸爸, 你最遲10點一樣要起身準備好...因為11點就係社群日開始, 得3個鐘架咋...E三個鐘我哋會有雙倍XP呀!」

 

不過, 今日有點奇怪, 網絡經常出現問題, 雖然迷你龍滿街都可以看見, 但並不是每次能順利進入.


SY:「梗係多人玩啦, 迷你龍好多人鍾意架」
結果, 我們斷斷續續捉了數條迷你龍, SY就在深水埗近精品玩具前捉了他第一隻粉紅色迷你龍, 而我則要到黃金商場才找到第一隻色違迷你龍.


今日, 最不高興就是在高登正門進入團體戰後, 竟然無故彈App...我:「蝕咗一張入場卷呀...」


之後, 我們轉到楓樹街再打團體戰, 與烈空座無緣的我, 當然又再煙...12煙一入...但SY則順利捉到他的第8隻烈空座.


13:30, 我們進化色違迷你龍, SY:「一定要2點前進化, 咁樣先可以得到特別技能"流星群"」


14:00, 我們仍未滿足色違迷你龍數目之際, SY:「爸爸, 點解條街仲有咁多迷你龍呢?」, 我:「係喎...唔好理啦, 我好肚餓啦...不如去食Lunch啦」


我們坐在餐廳內仍不斷捉到迷你龍, 於是吃過午飯, 我們又繼續捉, 直至16:40在街上遇到一樣在捉龍的同路人, 他告訴:「延遲到5點呀! 仲有20分鐘玩」


結果, 今日, 我捉了8隻粉紅迷你龍, SY更好運的捉了一打, SY:「Yeah!! 今日真係正呀! 捉到6個鐘, 真係好想快d到下個社群日呀!」(我好攰呀...行足5粒鐘)

沒有留言:

張貼留言