【實戰$58牛扒放題】排2粒鐘~任食下午茶餐

$58可以食下午茶任食安格斯肉眼扒, Pancake, 漢堡飽, 炸蝦, 雞翼...不得了, 聽見也想立刻去試.

昨日, 14:30到逹黃大仙, 朋友說:「駛乜咁早去呀! 下午茶邊有人食吖...個個都要返工」

 

結果, 人龍長得很, 餐廳己一早截龍. 我問店員:「其實要幾點嚟排隊先有得食呢?」, 她答:「你聽日一點嚟肯定有得食」

所以我今日13:15到逹, 排第6人...等了120分鐘...Yeah!! 可以入座啦.

阿太Whatsapp我說:「一定要食多幾塊安格斯呀!」, 店員:「每人每次可以劃2塊, 不限次數」

朋友A:「點解比想像中韌咁多」, 我:「仲係全熟添, 如果佢頭先問我哋要幾成熟就好D囉」

店員:「第一輪煎定咗, 你哋可以再叫, 之後會好食D, 我哋真係貴牛扒嚟呀!」(第二輪的而且確較第一塊好, 但我想食7成熟多D嘅)

額外加$!0可以無限添飲凍熱飲品...自助斟酌的, 所以可以自行少冰多檸檬, 多甜少甜自己話事.

洋蔥圈, 薯條任夾...不過我沒有那麼笨, 我一條也沒有夾.

三層小蛋糕...賣相欠吸引, 朋友A:「一陣如果唔飽先考慮啦」

沙律一樣少人問津, 朋友A:「梗係啦, 人人都知無理由任食走去食薯仔啦, 唔抵吖麻」

茄汁蝦肉意粉...意粉真的就是普通意粉, 不過朋友A說:「隻蝦好食喎...真係唔錯喎」

三款小漢堡包有牛, 豬, 魚....我:「點解全部得一半嘅??」

店員:「一份就係一半」, 朋友A:「咁唔好浪費都係好嘅」(三款...豬是算不錯, 其他兩款就...)

雞翼不錯, 但排隊時認識的隔離枱兩位姐姐推介我們必點炸蝦...

朋友A:「真係無介紹錯喎...好好食」, 而我也準備回家吃敏感藥的吃了一條:「真係炸得又香, 隻蝦又好食喎」

點品我一定推介雜果熱香餅, 足料又不硬不韌, 我足足吃了3份.

不過, 肉桂忌廉厚多士則可以不理, 太硬...我:「食完上顎會好易損架」

我問朋友:「你覺得抵唔抵食?」朋友答:「我哋埋單, 二個人$149.6, 每人$75唔駛, 任食咁多嘢, 你仲想點呀?」

我:「不過要限住食一個鐘,壓力真係好大囉」

Olive ERA
日期: 2月19日起至3月31日
時間: 3pm-6pm (限時60分鐘任食)
價錢: $58 成人 (小童不高於100cm $38 ) 另收加一服務費
地點: 黃大仙現崇山商場地下G1-G2號舗 (MTR D1出口)


大仁生活facebook