【$15雙併飯】窮人恩物大比拼 @ 深水埗

話說上星期吃完深水埗新開的咸蛋午餐肉雞蛋仔, 回家途中竟然給我發現同一條街又有驚.

阿太:「乜E間燒味舖咁多人排隊嘅?」我:「嘩! 單味飯$20, 雙併$25, 我哋屋企樓下一盒雙併都要$34喎」

 

SY:「咁爸爸你要唔要買嚟食呢?」, 我:「買...梗係買啦, 仲有嘢飲送喎」(不過今次只送例湯, 沒有給我們選擇, 因為味精水我情願給我一包紙包飲品)

正當我們步行基隆街途中, SY大叫:「爸爸! E間單併雙併都係$15蚊咋喎」(咁咪仲平過我哋頭先$10蚊)

我:「我哋買多盒做比併啦」(這間更多人輪候, 2位師傅雙手都似裝咗磨打一樣配合的快)

再往太子方向走, 原來, 大南街又有一間平霸燒味飯外賣, 不過這間店每日也指定$12的單味飯.

SY:「今日星期六係食燒肉飯喎」, 我問店員:「雙併幾多錢呀? ($22) 咁我要$12蚊燒肉飯就得啦)

三盒窮仁恩物, 我決定帶回家給要求嚴格的嫲嫲來一個盲試平霸燒肉大比併.

爺爺:「無端端做咩要買三盒飯返嚟呢?」嫲嫲:「你個仔話要我試食喎」

單以賣相$12唐順興真的遜色, 只有椰菜, 而份量也真的較其他兩間為少.

朦了眼罩的嫲嫲在SY協助下, 試食完畢後說:「第二舊(朗益)最好食, 因為個皮較脆」

SY:「咁第二好食呢?」嫲嫲:「第一舊(唐順興), 起碼皮脆, 係就係少咗D, 又無朗益咁好食, 不過$12你仲想點, 你去酒樓叫碗飯都$10蚊啦」

(咁即係最唔好食係新蘇記?) 嫲嫲:「第三舊 ? ( 新蘇記), 又無肉味, 皮又腍....(但係最貴喎), 咁唔好食就唔好食架啦!」

SY:「好彩嫲嫲試燒肉咋, 因為D叉燒都係唔好食」, 嫲嫲:「太瘦啦, 不過咁平都無你揀肥叉啦, 兩間比較, 一樣都係朗益好食D, 起碼食到有肉味先 」

新蘇記燒豬大王
深水埗欽州街72號

朗益燒味工房
深水埗基隆街363號

唐順興燒味
 深水埗大南街293號

大仁生活facebook