2018年1月10日 星期三

【尋找蘆葦之旅】零難度~漫步鹿頸到谷埔 @ 記得早D走

星期日, 我們相約悅悅一家去谷埔尋找蘆葦, 這是我要求露營達人魚子媽推介我一個BB級零難度郊遊好去處的地方!!


由粉嶺港鐵站C出口, 乘搭56K小巴至鹿頸總站下車就是新娘潭路的起點. SY:「嘩!咁多人等小巴」(因為TVB季節限定啱啱播咗教人嚟睇蘆葦呀)


小巴總站前有兩間餐廳, 正正就是我們吃下午茶的地方, 因為我怕要步行約45分一程, 會很肚餓, 所以齊齊吃飽再出發.


若果你問我的英式早餐質素如何, 我會答:「不如下次在粉嶺吃飽飽才坐小巴到總站便直接出發啦!!」


阿太:「我碟雞飯又老又鞋」, PatPatSir:「我個通粉十足十病人通粉...淡茂茂」





能夠填飽肚皮就好了...起碼店員有禮貌吧! 因為, 沿新娘潭路直行, 到發記士多轉右再一直行45分鐘的資訊也是由店員告訴我們的.


由小巴總站經新娘潭路步行至第一個指示牌大約只需5分鐘的路程!! 好~我們正式出發啦



多見商場少見樹木的我們, 當然甚麼也拍拍拍...嘩!! 小樹林呀! 海呀! 蝴蝶呀!!


牛呀! SY:「爸爸你唔好行咁近啦」放心, 我只是近距離合照而已!!



之後有山有海有牛糞, 盡情享受平平坦坦郊遊之樂.


來到一個小小的分叉路, 就是根據指示牌走左邊(下方)...SY:「爸爸...快D行啦, 仲影...有好多樓梯呀!」


心想:「死啦...行樓梯~好驚喎」原來, 要走的也不是太長的, 數十步, 就連我這個大叔也順利沒有吃喘~Safe


走過一個充滿電影感的小樹林, 我們便向下大約一百級樓梯...悅悅媽:「哎呀! 一陣我哋回程咪要上一百級樓梯??」( 又係喎...不過回程先算啦)


這裡又有另一間小餐廳, 但我見大多數人不是進食, 而是走入旁邊的公廁...


兩位小朋友在等待的過程中就在岸邊玩拗石鬥遠...SY:「媽媽咁快去遠廁所啦...我仲想玩喎」


之後就是沿路重要的景點之一....小小白燈柱. 人人也站在燈柱前拍照, 所以也需要慢慢輪候.


PatPatSir:「旁邊就有蘆葦喎」, 悅悅媽:「但E度寫私家重地, 不得內進」


應該不是這裡, 因為我們只是行了約20分鐘, 結果, 我們再向前行, 眼前更加風光如畫...


PatPatSir:「好似去咗九寨溝咁喎」, 阿太:「真係好靚 , 好心曠神怡」(點解我部手機影唔出最美的無限山連海的宏偉呢?)


沿路再前行, 我們開始覺得有點奇怪...為何行來行去也不見蘆葦田, 但SY不理我們, 一見有石灘, 已經衝了去玩水.


原來, 行過石灘, 一直至宋怕山水豆腐花店後方, 就是我們今天的目的地蘆~葦~田~


 PatPatSir:「原來只可以相隔咁遠嚟睇, 真係有D失望」


而我也只是帶了一支短鏡頭出來, 老實說, 是無法影到甚麼蘆葦...有點失落, SY:「不如我哋食豆腐花啦」


悅悅媽:「E度D豆腐花好食過頭先小巴站嗰間好多喎」


夕陽無限好, 又一天的過去, 其實當天正正就是2017年最後一個日落, 霎眼又一年, 希望大家2018年也有更美好的生活, 健康的身體.


PS 當天我們18:10回到小巴站, 正在排隊人士足足冇213人排在我們前面...結果我們一直等了90分鐘才順利上車


PPS: 記得最後一班回程小巴19:30


大仁生活facebook

沒有留言:

張貼留言