12月尾波哥Whatsapp我:「舊舖加租去到十萬, 我哋休息咗2個月, 下星期新舖開張啦, 大仁嚟唔嚟探我哋呀」(嚟~ 一定嚟)
原來, 新店正正就是搬到從前吃"梳乎厘班戟"甜品店的位置. 當我們進入餐廳, 恩愛的波哥波嫂正在廚房忙著為客人製作鰻魚飯.
波哥:「大仁, 你今次一定要試由Wendy日日不斷試不斷整, 經過8個月時間, 終於研究成功的玉子燒呀!」
一邊為我做玉子燒的Wendy, 一邊跟我說:「我最鍾意食鯛魚醬, 好多男士唔鍾意食芝士, 所以我哋只落半塊」
日本鯛魚玉子燒$98 , 這個使用了走地雞蛋炮製, 平熟有流心效果的玉子燒, 一放上枱仍然有震騰騰的表現~正
SY:「佢會流心架, D蛋好滑呀...好好食呀!」我:「你唔係唔鍾意食蛋嘅咩?」
SY:「好食就會食囉」, 我對Wendy說:「你整嘅玉子燒真係超正, 我個囝唔食蛋架, 佢都爭住食咗半份」
Wendy:「大家都鍾意就好, 咁我就唔會失禮咗我阿爸D走地雞蛋啦...我希望可以將D雞蛋發揚光大」
愛鍚丈夫的Wendy,本來只負責超市部份, 廚房則由波哥打理, 但後來因為波哥意外受傷, 於是她便堅負起大廚的工作, 好讓波哥有機會休息.
之後便是鰻魚飯$88+巨型Size$25登場, 這亦是SY期待了多時的主打菜...
我:「嘩! 好長呀! 條鰻魚超長...真係長過SY你隻前臂喎」
波哥:「我哋用河鰻, 所以你會發現肉質特別嫩, 又唔係太實,D骨少到機乎無, 因為佢哋係河生存, 輕輕鬆鬆唔駛掙扎, 所以D肉唔會實崩崩」
原來河鰻來貨較貴, 波哥:「不過, 河鰻真係會少D骨」 我:「咁~貴D都係值得嘅」
再來日本飛驒牛 , 那肥肥瘦瘦的混合, 那種Perfect Match, 吃2條也有不想停口的感覺, 不過, SY一個人包辦了一碗鰻魚飯...所以他放棄自己的飛驒牛
Wendy :「 你包羅馬生菜食啦, 因為飛驒牛D肥膏, 好漏呀! 包生菜食, 就算你食多2條都唔會滯」
包著生菜, 份外清爽, 而且飛驒牛肉味夠出, 夠咬口, A4已經如此出色, A5會如何呢? 波哥:「香港人唔鍾意食A5, 因為一般油脂會好多, 太肥唔啱香港人胃口」
寶物尋歸底, 最後登場就是毫不起眼的法國生蠔飯....這是波哥推介我的, 心諗:「其實, 我對熟蠔麻麻地喎」
不過, 蠔上舖滿了近乎滿瀉的芝士飯, 而且因為蠔汁, 那約半碗份量的飯充滿了蠔的鮮味...
禾旱冚珍珠, 大大隻蠔被藏於芝士飯底, 我咬了一口:「嘩! 外邊暖暖地, 入面仲係生架, 好正, 我完全估錯, 我頭先仲以為係熟蠔添」
原來, 這個無敵生蠔飯本來是波哥為太太製作的, 波哥:「真係好多女客人都鍾意食」, 其實不止女客人, 連我這個大叔都非常滿足.
搬了新店, 食群位置大了, 但實際面積較舊店細, 所以新舖也沒有了從前的日本超市, 好像有點可惜呢!!
波哥:「唔可惜啦, 因為好多人同我哋鬥價, 後期我哋都好難做, E家個廚房大咗, 座位又多咗, 又唔駛被業主加貴租, 仲好啦」 我都希望萬家可以新年新店新景象, 繼續溫暖西環!!
萬家廚房
地址 : 西環堅尼地城山市街1號地下J號舖
(堅尼地城站 B 出口, 右轉步行約4分鐘)
電話 : 28551688
時間 : 17:00-02:00
大仁生活facebook
沒有留言:
張貼留言