祖迪:「 E間麵廠門口兼賣腸粉, 係土瓜灣街坊都知, 傳統又好食, D腸粉有超濃郁米香架」
我:「腸粉 $9/4條、粉果 $4/1個, 真係街坊超值價喎...」
依莉:「真係好香好濃米味, 又夠滑唔點醬都好好食, 不過, 點解賣麵又會賣埋腸粉呢?」
祖迪:「 麵店後面就是工場，傳統口味堅持60年不變, 做麵可能有剩材料就賣埋腸粉掛, 總知好食, 我成日經過都一定買」
絶對童年味道, 好好好食, 現在已經不可能再找到有如此重米味, 又嫩又滑的街邊腸粉, 而且仲要如此便宜, 正!!
地址：馬頭涌譚公道69號
試完傳統, 我們第二站便往牛棚方向走到中國銀行前的新開小店, 老實說, 單看門面其實最初不抱任何期望.
不過, 店員賣力推介:「我哋用芝麻糊做腸粉醬架 ($10/5條), 仲有我哋D花膠魚肚粥 ($25), 真係有花膠架...」(你咁識做生意嘅, 你係老闆?)
店員:「我同老闆識咗好多年嘅朋友, 我住附近所以放假就嚟幫下手囉」, 祖迪:「嘩! D粥真係無呃人架喎, 真係有花膠」
(其實點分花膠? 魚肚 呀? 海味小王子), 祖迪:「黃黃地就係花膠」小食的粥標榜無雞粉無味精, 所以非常清香, 25元有如此多的魚肚及花膠, 真材實料, 超值！
剛剛吃完傳統味道的腸粉, 現在則比較腸粉 ($10/5條), 配老闆自家以白芝麻+黑芝麻製成的醬, 又香又滑還帶點甜, 我:「真係似一次過滿足食芝麻糊及腸粉嘅願望」
養生花茶 $12, 阿太:「E度有21款花茶, 真係好足料, 桂圓杞子玫瑰多到....我頭先叫老闆幫我加水, $12飲兩杯, 第二杯都好夠味先抵呀!」
(女人先飲花茶...所以我無飲, 只轉述意見)
森煌美食
地址：土瓜灣馬頭角道51號
吃完兩檔鹹甜, 之後我們一行6人, 便慢步走到偉恒昌附近吃甜品...
因為全新蒲崗最好食雞蛋仔的629新哥在土瓜灣開了分店, 所以今次掃街一定要來探一採朋友.
新哥:「我開咗幾個月, 你E家先嚟...試吓我D 阿里山烏龍茶蛋蛋 ($20) 啦」(新嘢嚟?)
新哥:「新過吓啦!!」 烏龍茶味淡淡清香, 又不會搶走雞蛋仔味道...阿太不停讚:「好有茶味, 好食好食.
依莉:「E度D雞蛋仔係粒粒飽滿, 外脆內軟, 而且蛋味濃郁喎」(新哥主理, 梗係正到痺)
阿太:「我想試紅莓....」新哥答:「好!! 小朋友你要唔要加朱古力 (SY點頭), 收你紅莓蛋蛋 $24 價錢, 免費送你朱古力粒粒...只係熟客先造畀你食架咋」
依莉:「紅莓甜甜酸酸, 再加朱古力的原來更有咬口之餘，味道亦好刺激」
地址：土瓜灣道 317號捷通大廈地下 5A鋪
最後一站是依莉上網找到又是新開的小店...就在樓梯底的小小甜品店, 由一位爸爸一腳踢.
老闆躲藏於極不起眼的店內, 不停努力做甜品店, 我:「你係哋只有E幾款甜品呢?」
老闆在煎梳乎厘班戟 $29 答:「我一個人做4款甜品差唔多, 多都做唔到啦」
我未吃過用黃糖做的班戟, 其實似蛋糕仔, 老闆:「砂糖食得多唔健康架....」 雖然這個真的不能與空氣感成正比的梳乎厘班戟拉上關係, 但我愛吃馬拉糕的, 所以接受得到.
蜜糖吐司配豆腐花 $25, 厚多士可能我們放得太耐, 所以變得有點硬, 本來應該即烘即食香香脆脆的配上豆腐花應該一絶!! 所以, 相機先食未必是好事呀!
地址：土瓜灣美景街28a號
今日很高興可以與祖迪, 依莉, Raymond 齊齊再去掃街...
而且又遇到好客又好人的老闆, 下次我們再約出來大吃大渴瘋狂再掃街吧!
大仁生活facebook
沒有留言:
張貼留言