今年, 情尋黑膠碟, 在展覽室放了5隻7吋懷舊唱片, SY:「爸爸! 我知E啲係聽歌嘅」
我奇怪他為何會知道的時候, SY答:「上次係觀塘美樂士多有見過哥哥播吖麻」(係喎)
今日, 最高興就是我們可以跟隨法藉藝術家Julia學造朱古力唱片.
其實因為有專家教導, 所以, 只要跟足她的指示, 原來要做一隻吃得落肚的黑膠碟也不困難.
由倒矽膠製作唱片模, 再熱溶朱古力, SY也非常興奮...因為這個小朋友最愛東攪攪, 西攪攪, 所以今次非常合他合尺.
將朱古力注入矽膠模內, 便要放入雪櫃, 工作人員說:「10分鐘是最基本, 愈耐可能會愈好架」
經過20分鐘 , 我們的朱古力唱片便由老師Julia放入唱盤試播.
不過, SY的"迪士尼"因為我拿出來是手指太大力按花了凹凸痕, 所以非常窒...
而我的英文老歌則非常順利...SY:「梗係啦, 你嗰隻係老師幫你攞嘅」, 我:「無所謂啦, 我哋最後都係食落肚架啦, 聽到/聽唔到分別都唔太大」
謝過老師後, 我們便走到港威走廊去看田中達也的「mini CHOCOllection」~~ 朱古力小香港.
32個微縮情景, 其中10個是全新創作...
阿太:「最靚一定係擺酒啦, 同以前去飲真係一樣....」
旁邊路人甲對朋友說:「E對男女一定係婚前婚後, 睇嘢由朦查查變到清清楚楚...」朋友乙:「係啦...副眼鏡仲有個心心, 一定係咁意思」
其實, 限佩服田中先生, 因為他可以數棵西蘭花又做一個情景, Donut又得, 釘書釘一樣得.
阿太:「大磁石又可以造圓桌會議, 蜜瓜又可以做GoogleMap, 真係犀利」
而我們走到港威大堂, 原來設有一個照相館, 只要捐$40, 就可以將自己變成微縮小人國, 走入其中一個情景當中.
今日, 我們揀了大磁石圓桌會議. SY:「真係幾似同我哋一齊架喎」
而拍照過後, 亦是SY每年最期待的環節, 購買「朱古力電子通行証」 ( $240 ) 走勻全個海港城當中16間朱古力店, 去揀心水朱古力.
阿太:「E~今年好正喎, 你睇iCREMERIA換雪糕又得, 去Luna Cake 換芝士蛋糕又得, 連Paul Lafayet 換馬卡龍都得喎」
於是當我換完數字朱古力, 馬卡龍就成為了SY的首選...至於阿太就被厄瓜多爾的$3000朱古力所吸引...
阿太:「人一世物一世, 我哋不如三個人試一細塊啦...6個代幣就得」我:「好吖! 橫掂我肯肯定我一世都唔會用$3000買一舊朱古力」
不過, 不懂吃黑朱古力的我, 真的覺得苦過弟弟, 阿太:「真係驚食完好嘢, 以後返唔到轉頭, 好回甘, 好滑, 真係唔同食開嗰D」
(細細粒就$60, 我覺得似食中藥, 我真係唔識食啦)
海港城「情．尋朱古力」2018
日期：25/1 – 25/2/2018
時間：10am – 10pm
地點：海港城港威商場地下大堂II及長廊
《The Sound of Chocolate朱古力旋律》藝術展
日期：26/1 – 25/2/2018
時間：11am – 10pm
地點：海港城海洋中心二樓207號舖「海港城‧美術館」
「朱古力通行証」銷售及換領處
日期：25/1 – 25/2/2018 （16/2/2018除外）
時間：12pm – 8pm
地點：
沒有留言:
張貼留言