網頁

2018年1月21日 星期日

【$3.8任食甜蝦】街坊價嘆韓式打邊爐 ~ 超飽!!

原來, 上一次走過來 "大圍 Sister" 已經係2年半前的事, 今日無無聊, 又再舊地重遊.


因為SY很愛打邊爐, 平日大家樂一人鍋又吃到厭, 所以今晚就轉轉韓式火鍋.



我問店員:「總司令大醬鍋夠唔夠三個人食架?」, 店員:「計我話6個人食都夠...」(原來真係好大大大個架)


店員:「要唔要試我哋新出 任食"阿根廷野生赤蝦刺身"每隻$3.8....」(吓? 任叫? 咁平? 叫20隻都得?)


店員:「你食到嘅話叫幾多都得」阿太:「嘩! 咁真係抵喎, 仲平過街市買囉」(店員: 其他分店無架, 只係我哋有)


好鮮味, 好彈牙的甜蝦, 皮膚敏感的我也忍不住吃了兩隻, 晚上回家再吃敏感藥也值得.~ 堅抵!!


情人節特飲 $58 (買一送一), SY好高興的手持天鵝說:「送埋兩隻鴨仔畀我哋喎, 真係好喎...」(係天鵝唔係鴨仔喎)


阿太:「好彩我哋訂枱嗰時叫埋...買一送一喎, E兩天鵝畀我襯杯緣子影相就一流啦」


醬醃莞島鮑魚(3隻) $119 與 珍寶生蠔  $48 一樣是食到停不到口, 作為前菜, 今晚絶對幸福.


SY:「鮑魚好多汁呀!」, 我:「冰鎮生蠔真係大過你塊臉喎, 又嫩又甜又滑, 如果無咁凍就正到不得之大了」


醬油蝦X5 $188 阿太:「醬油蝦夠晒惹味喎」, 我:「早知就係叫阿根廷赤蝦就得啦, 抵咁多....(阿太:車...樣樣都試吓吖麻...咁鬼孤寒)」


終於來到我們的主菜, 韓式打邊爐, 銅鑼般巨型的邊爐, 真的不說得笑.


阿太:「$188 有咁多料真係好抵喎, 其實我哋叫埋豬仔佢哋嚟食呀!」


 我:「真係6個人都夠晒食啦, 你睇D肉, 牛, 豬, 雞多到...」, 阿太:「 唔係吉野家咁得3塊仔嘅」


我:「豬肉好食過牛喎...我就最鍾意食年糕, 第時都要打邊爐食年糕先得...正到庳」


SY:「韓國午餐肉真係好食D喎, 好夠腍, 好好味, 好似吞食獸咁, 一吞就吞入口Lu」(吞食獸?? 食嘢都掛住PokemonGo??)


阿太:「真係好多嘢食, 超飽...」, 我:「無限時就慢慢食囉...等我Call埋阿強落嚟食先」


Sister Korea Café
地址: 沙田大圍新翠邨新翠商場地下17,18&18A鋪
電話: 2596 0018


大仁生活facebook

沒有留言:

張貼留言