2018年1月28日 星期日

【深水埗試新嘢 】日賣200底!! 鹹蛋餐肉雞蛋仔 @ 原味$10

鷄蛋仔經常食, 差不多勻全港九, 阿太:「深水埗話開咗間新小店, 竟然話有鹹蛋黃+午餐肉, 不如去食囉」


這間在黃金麥當勞旁邊的小食店, 舖面細細但就賣很多小食, 牛丸, 魚蛋, 燒賣, 撈面, 碗仔翅, 餈飯, 豆漿....

 

而且, 門口長期站滿人在等雞蛋仔, 我們一去到即時點了一底原味 ($10), 一底阿太最愛的鹹蛋餐肉雞蛋仔  ($20) 。


SY:「原味$10咁抵嘅?」話口未完, 店員對之後的客人說:「唔好意思, 師傅要再造蛋漿, 暫時要到6點先可以再有雞蛋仔賣」


其實, 兩位店員已經非常忙碌, 因為在我們之前還有大約13人在輪候 (一個紙袋一底)


在等的同時, 我買了手打爆汁牛丸 $12/3粒....


我咬了一口:「係喎, 幾重牛丸, 幾彈牙, OK唔錯喎...不過又話爆汁, 我一D汁都無」


SY又咬一口:「我有少少喎」, 我:「係喎...你Lucky啲喎, 我今日唔Lucky無汁」, 阿太:「真係好食過我哋屋企樓下牛棚喎」



未吃下午茶的我問店員:「我想要一個餈飯同香菇燒賣($10/8粒)」, 店員:「餈飯只係早餐先有」


所以, 我們只買了燒賣, 小食店一般都是麵粉燒賣, 有菇有肉的不算多, 不過略嫌這串燒賣蒸得太耐, 太濕, 太腍.


25分鐘過後, 我們的主角終於出現了...兩底雞蛋仔...阿太:「嘩! 我嗰底真係超香鹹蛋味喎」


非常香, 而且賣相也很吸引, SY:「鹹蛋味好臭, 我都係鍾意食我嘅原味」


我當然先試原味 :「$10 有咁嘅水準, 真係唔錯, 當然佢無629雞蛋仔新哥水準, 雞味不太濃, 不過, 已經是合格以上分數」


我再食鹹蛋餐肉:「我本來唔係太鍾意食鹹味雞蛋仔, 估唔到咁樣配搭又真係幾好食...如果佢D鹹蛋黃可以做到溜油, 咁就真係正」


阿太:「佢原味無我E底外層咁脆, 同埋我鍾意食鹹蛋, 又最鍾意午餐肉, 我已經好滿意啦」


臨離開前我又八卦問店員:「你哋咁好生意, 一日平均賣幾多底? (店: 百幾二百一日) 嘩!! 畀我做...真係做到手都斷」


士叻哥
地址: 深水埗長沙灣道262號地下A4號舖
電話: 66398307



大仁生活facebook

沒有留言:

張貼留言