我說:「嘩! TheOne 20樓咁High, 一定好鬼貴」, Sammy:「佢哋E家Lunch竟然做緊買一送一, 好抵」Edward:「不過, 今日我哋請你食平安夜大餐....畀你豪一次...」
我:「多謝晒!! 講真, 唔係有人請, 我真係唔會咁豪啦, 我咁孤寒, 從來唔會聖誕食西餐架... 今次真係平安Yeah!!」
原來, 平安夜晚餐有四道菜, 頭盤三小碟:日本清酒小蠔杯, 三文魚他他伴(牛油果+芒果),鴨肝多士+無花果醬
平安夜應該是要有甜頭的, 所以三款頭盤也是甜甜的, 特別是那顆浸滿了清酒的生蠔.
Sammy:「真係好鮮, 好甜」, 我:「連D清酒都好甜喎...」, 店員:「因為, 我哋加咗味醂, 所以特別甜」(好正!!! 真係甜到笑)
之後來一碗杏仁南瓜湯伴羅勒泡沫...橙橙綠綠影相絶對一流. 我:「你哋飲先啦...我影埋啲Bearbrick 先飲」
當我左影右影完畢, 我問Edward:「熱唔熱架碗湯...(Edward: 唔熱)」, 過於口渴的我便一大口鯨吞...嘩! 好熱, 好熱
我足足20秒不能說話, 舌頭與上顎已被熱湯淥熟了...我:「Edward你點我...又話唔熱」
所以, 之後來的聖誕火雞卷, 其實我不是太感覺得味道, 只知道不是太老, 太「鞋」,太韌...
至於有沒有火雞味...Sammy補充:「其實, 個廚都幾有Heart, 火雞胸肉再捲蘿蔔又溝埋D雞脾肉
一齊攪到變肉醬, 之後再慢煮, 然後切片煎, 算係好過就咁食鞋烚烚D火雞肉呀!」 (其實, 我好似無咗味覺)
最後, 來一個非常聖誕的甜品...紅紅綠綠, 實在太搶眼...心諗:「會唔會好鬼甜呢?」
Sammy:「幾正喎, 唔太甜, 係紅莓+士多啤梨, 中間有慕斯, 又有啫厘...」, 我:「D綠茶好唔味?」, Sammy:「唔係綠茶嚟架, 係開心果忌廉, 好食喎」
原來, 淥熟了的舌頭仍然可以感覺到甜味的, 這個甜品真的好好食, 因為不會死甜, 輕輕鬆鬆, 食完今個平安夜, 一定Yeah啦!!
每位 $658(6pm – 8pm); $788(8:30pm後)
峰景餐廳
地址： 尖沙咀彌敦道100號The ONE 20樓
電話︰ 2849 5111
沒有留言:
張貼留言