原來, 在朗屏站有免費接駁巴士K66, 只要坐大約40分鐘便到逹. (魚子媽: 一般只有K66, 又或者坐小巴$5)
註: 特別日子會加開68R 由元朗形點 I 出發至大棠山道 ( 只限31/12 - 1/1 兩天服務，詳情: http://www.kmb.hk/tc/news/press/archives/news201712272618.html)
今天是 29/12, 平日也整輛K66的乘客也是在「大棠山路」落車. (尾二站)
魚子媽:「我哋 沿大棠山道直上就得, 其實跟住大隊行啦, 行45-60分鐘左右...」
SY與子子非常興奮的向前行, 而我則大叫:「吓? 乜要行成粒鐘架? 我以為一落車就係添??」
大棠山道口便有士多餐廳, 我:「早知我哋約早D, 可以係度食埋Lunch先行啦」
慢慢走約20分鐘, 便到逹「大棠燒烤區場地 2」, 今日特別多人, 很多人駕駛前來, 所以私家車塞滿燒烤場外.
我:「好彩我哋坐巴士無揸車咋, 塞死晒」, SY:「係囉! 不過, 我哋都無車...(係喎)」
當我們再向前走約10分鐘, 便已經是漁護署苗圃, 前面已有少量的紅葉, 還有少少芒草....SY大叫:「紅葉, 地下真係有紅葉」
子子:「吓? E啲係橙皮嚟喎」(原來, 無乜公德心的人吃完橙亂拋橙皮)
子子媽:「我哋再行前D啦, 前面會有更多呀」
大約5分鐘便到逹「大欖林道大棠段」, 紅葉真的愈來愈多, 而影紅葉的朋友亦同樣非常之多.
我:「子子...你覺唔覺得有D似去咗旺角咁多人呀?」
而我們的目的地「吉慶橋休憩處」正正就在再向前走5分鐘的地方....Yeah!! 我們到逹目楓香林啦!!
小朋友瘋狂的在地上執紅葉, SY:「我要同子子鬥多呀!」
大人們則在不停影影影...其實要遷就角度, 由低向上拍攝才會有很多紅葉的效果.
或者, 索性可以拾起2-3片紅葉, 背著山水來一張沙龍也不錯.
同時間一邊賞紅葉, 一邊看日落, 絶對是雙重享受...小朋友不懂欣賞, 因為他們繼續在比賽拾紅葉.
不過, 要預回程的時間, 否則未重回大棠山道口便已經伸手不見五指啦~
來回大棠山道 K66 (免費接駁巴士) / 專線小巴 $5
欣賞紅葉最佳日子 : 12月至1月初
大棠山道路口(大棠山路站)(尾二站)下車 → 沿大棠山道直上 → 大棠郊野公園燒烤場 → 漁護署苗圃 → 大欖林道大棠段 → 吉慶橋休憩處 (楓香林)
其他觀賞紅葉地方：
香港中文大學未圓湖
城門郊野公園
青衣公園
香港動植物公園
大仁生活facebook
沒有留言:
張貼留言