「媽媽廚房」的主理人華姐當時已經清潔完畢, 預備休息, 我問還可以吃嗎?
華姐答:「因為夜晚比較靜, 如果無事先通知, 或者包場, 我一般做到7點就走, 不如你哋下次中午過嚟食過, 唔好意思」
於是, 第二日中午我們又出動, 一向最愛肉醬意粉 ($68 ~ 包熱飲)) 的SY二話不說已經要了一份.
等待華姐製作途中, 阿太帶了SY到旁邊的小書角看圖書消磨時間.
阿太:「嘩! 真係好足料喎, 咁多蕃茄, 仲有冬菇, 洋蔥」, 我:「仲好香添」
SY 不停食, 不停說:「好味喎, 真係好食過我哋樓下嗰間好多」, 我也忍不住吃了幾口:「真係好鮮, 好唔同喎」
八卦的我當然要去問問大廚啦, 華姐說:「因為我係每日用新鮮蕃茄加好多洋蔥, 紅蘿蔔, 薑自己淆3個鐘」
我:「嘩! 唔怪得同出面買現成嗰D完全唔同, 直情好似返屋企食媽媽煮嘅一樣」
之後的香煎比目魚+穀飯 (包熱飲) $88, 阿太無端端無厘頭說:「比目魚真係用比木做嘅魚」(你講咩呀?)
原來, 阿太意思是:「出面好少講到明用咩魚, 而且比目魚貴咁多, 分分鐘成本貴過炸腍魚十幾倍添啦」
比目魚確實比銀雪魚又香又鮮, 而且更加少油, 華姐:「係呀! 因為夠晒味, 我連調味都唔駛, 放少少鹽麴就夠晒」
我:「咩係鹽麴?」, 華姐:「我用打碎嘅灰鹽, 溝埋米麴發酵半個月, 等佢變成鹽麴, 咁比起用鹽健康好多」 (嘩! 咁花時間, 成本都重好多啦, 華姐對食真係好有心喎)
令我及阿太都驚訝的是, 跟餐的不是白飯, 而是紅醋米飯, 還加入又又甜又軟腍的蕃薯蓉, 絶對健康.
華姐:「你哋唔夠飯可以添喎, (仲可以添飯~咁正, 華姐...點解你會落D蕃薯蓉係飯入面呢?)」
華姐答:「因為小朋友多數唔鍾意食蕃薯, 咁加入飯入面, 顏色又靚D, 同埋佢哋就會同D飯一齊食埋囉」(真係好主意喎)
飯後甜品, 我們來了一個生果乳酪杯 ($38), 由華姐即場將青蘋果切粒放入食乳酪杯 .
SY:「媽媽, 你試下, 真係好食過我哋係百佳嗰D喎」, 阿太:「佢唔會杰撻撻, 酸酸地襯D青蘋果粒好清新, 好食」
華姐:「出面街D乳酪, 一定加咗增稠濟, 所以我情願用多幾個鐘自己發酵」(吓? 華姐, 你連乳酪都係自己發??))
我:「其實你用料咁講夠, 蕃茄肉醬, 醋米飯, 乳酪全部自已整, 你邊有咁多時間, 同埋你個成本都幾高喎」
華姐笑一笑:「醋米飯你唔浸過夜, 好難食嘅; 其實, 我以前用黑毛豬做肉醬, 但成本太高, 所以改咗用五花腩, 老實講, E家如果我無夜市私房菜, 其實真係連人工都賺唔到」
我:「咁你屋企人有冇反對你做呢?」
華姐無奈點一點頭:「我個囡唔想我繼續做囉, 佢話由朝做到晚, 十幾個鐘咁辛苦; 無客嚟食就連人工都蝕埋, 不過想大家食得健康係我理想, 但又時又好矛盾, 講真有幾多個食客真係食得出, 我無放"麵撈"; 我唔係用罐頭呢? 但係我就係過唔到自己個關。」
成本與健康取一個平衡, 我想媽媽廚房會愈做愈多客, 因為有麝自然香呀!
媽媽廚房
地址： 太子砵蘭街372號一樓
時間： 11:00–17:00 (星期日休息)
電話： 3580 0388
大仁生活facebook
沒有留言:
張貼留言