美樂士多搬了新店, 由長沙灣遷至觀塘, 一間士多擴充成為8大集體回憶的懷舊博物館.
阿太:「我記得上次我哋都係聖誕前第一次走上美樂士多, 原來, 咁快就一年」(真係時日如飛)
一走到新的美樂士多...本來阿太也反應不大, 但SY很大聲的說:「E~本來士多後面
可以打機喎...E家變咗嘅?」
負責人Patrick一邊假裝打麻雀, 一邊說:「我哋擴建咗呀! 當年士多一定有人開枱,
所以新舖都加建個麻雀房畀佢囉」
之前長沙灣是集中回憶士多, 今次觀塘新店, 宏偉得是全方位神還原一個舊香港...
SY:「爸爸! E度真係剪頭髮架!!」單單那個從前理髮店的「轉‧轉‧轉」已經夠經典.
阿太:「點解以前剪髮都要$40咁貴嘅?」
Patrick:「其實, E間髮型屋嘅物品, 我係幾年前牛下遷拆時去收嘅,
所以D價錢都幾貼近市價呀!」
但箇中的理髮用具, 理髮椅就絶對古懂級數....充滿歷史的香味!!
飛髮舖對面就是小學課室....SY開心得又大叫:「我要做老師, 我要做老師」
SY:「媽媽, 點解會有劉偉傑嘅成續表係度嘅?」
Patrick:「其實, 我哋有好幾位朋友合力借出物品, 所以有真係當年嘅功課, 畢業相,
成續表囉...但就係屬於唔同人嘅」
其實, 現在已經很少課室再用黑板, 粉筆, 粉掃...
SY很得戚的說:「我學校仲係用黑板呀!」(真還是假? 家長日要去証實一下先得)
小學課室後面就是阿太口中:「粵語長片年代, 肥肥, 陳寶珠住的舊唐樓」
老實說, 一幢舊樓分分鐘已經相等於現在10間劏房...又一次証明舊就是好,
愈舊便愈更好.
最震撼的莫過於唐樓後的龍鳳大酒樓, 鮮紅色的布景, 大金飛龍, 大金飛鳳
一左一右襯托出, 70年代的酒樓年派.
Patrick:「當年好好彩, 彌敦道某大酒樓結業, 我哋就去碰碰運氣,
結果又被我哋搵到E對金龍金鳳」
Patrick續說:「前幾年牛下有繡莊舖結業, 我哋又搵埋佢哋嘅代言人LiLi返嚟,
你覺得係咪好襯個酒樓呢? 」(乜50年前嘅新娘都咁新潮, 有個英文名叫LiLi??)
80年代就是打機最瘋狂的年代....這裡也有一個小小的機舖, 但因為新開張原故,
全部機還未插電...
忽然給我發現寶藏:「嘩! 雅達利呀!!」(SY: 個盒咋喎...咩嚟架?) ,
我:「即係當年嘅Switch囉, 但你睇吓, 當年我哋只係控制一粒正方形都可以玩足一晚架」
而最近門口的還有一個仿新光戲院的情景....當中一定有一部跨世代的磅重機,
原來電視劇情真的會發生...今日不是就已經讓我們回到過去嗎?
今日的開心事還未完結, 因為我們巧遇正在將自己私人珍藏與大家分享的扇王余穎超先生.
超超說:「當年冷氣機好貴, 屋企就只有風扇, 第一把鴻運扇就是這台1981年咖啡色的三凌扇,
(你有冇儲傳統風扇?), 有呀! 傳統加鴻運扇大約300-400把」
(嘩!! 扇王真的是扇王...犀利)
同一時間Patrick又走了過對面單位處理美樂懷舊市集...
Patrick:「市集會玩到12月31日, 有好多朋友都好幫手, 將D私人珍藏攞出嚟寄賣」
懷舊物品真的會令人目瞪口呆....阿太:「我有E個音樂盒...
一打開有個人跳芭蕾舞嘅, 我要搵返出嚟先得...要問婆婆收埋咗係邊」
(話唔定一早揼咗Lu)
SY對唱機很有興趣, 可惜他只知大力拍打枱面, 唱片會跳線發出怪聲,
他竟然將跳線當成為玩意??? 不是吧?
望著枱上生锈的鐵罐, 我想不到原來一個普通的朱古力罐也可值$280....
Patrick:「幸福朱古力都無咗好耐啦....」
還有我童年的摯愛椰菜娃娃, SY:「爸爸, 點解你咁鍾意呢? 你睇佢塊臉有兩個窿架」
(E啲叫酒凹呀!! 小朋友靚仔靚女先有架)
今日真的超開心, 又一次証實, 我真的老了...愈大年紀愈愛想舊時...
紅A沙灘工具, 公仔膠杯, 雪條格...我小學有過呀!
木製積木, 中間有玻璃紙當作玻璃窗, 我沒有玩過,
但阿太說:「我當年最鍾意穿個窗就真」(破壞之王...原來係你)
Patrick...美樂舊香港會不會請人呢? 我可以做看更, 一邊返工一邊同人回憶話當年...正!!
相關網誌: 【童年時就如此飄過】回到從前流連士多的日子
美樂雜貨店
地址： 觀塘偉業街181號盈達商業大廈4樓A室
時間：12:00–19:30
電話： 9223 8538
註: 懷舊佈置歡迎參觀, 入內拍攝只作租借場地使用
大仁生活facebook
沒有留言:
張貼留言