網頁

2017年12月21日 星期四

【日頭玩到天黑】 必贏公仔攤位推介 @ AIA友邦歐陸嘉年華2017

我最期待...一年一度AIA嘉年華冬至前又開鑼喇...


SY興奮地說 :「 我要玩溜冰, 我要掟美國隊長, 我要玩踫碰車...」

 
因為,  上年他 在AIA 溜冰足足兩小時,  回程前玩攤位遊戲 掟木桶波波贏得了美國隊長, 已說足了一年.


今年AIA 新了雜記馬戲團, 昨天預演其中一少部份, 兩位姐姐踩著大波波,  向斜台走上去...


期間 一位表演者還在搞氣氛 故作左搖右擺, SY笑著說:「我知姐姐唔會跌嘅, 佢一定係扮嘢!」


最後她們成功登上台頂, 全場雀躍拍掌, SY:「我都話架啦...姐姐真係好勁呀!」


看完了預演,  我們與豬仔就去了玩全新的柏靈頓熊區,  小朋友知道可以玩推車當然即時就位.


只要將車仔推到指定的目標就變有獎品, SY:「豬仔, 唔好推大巴士, 個目的地咁細, 推車仔易中D」(你又幾心水清喎)


旁邊有一個小水池, 小朋友可以換上熊仔長靴, 走入去踩水波.


SY:「哎呀!E個係上次BBQ用嚟掟水彈架喎...」搏了命在瘋狂踩水波的SY已經進入忘我狀態.


小朋友又可以在畫畫, 不過, 兩位主角可能也不太有耐性, 還是天氣太冷...SY很胡亂的填滿一個氣球便算.


之後, 可以拿入房間, 給工作人員掃描入電腦, 圖畫便會升上天幕, SY:「爸爸! E個波就係我畫架囉...點解有兩個呢?」(因為姐姐幫你SCAN咗兩次!!)


不過, 小朋友對電腦遊戲似是更有興趣...以不停搖動手機, 操縱柏靈頓熊向前走, 走完就會有禮物


禮物是...柏靈頓熊限定紙巾一包...我:「啱晒你用啦!!」, SY:「好吖...你要抹咀唔好問我攞」


離開柏靈頓熊Games 區, 旁邊就是我和SY都非常期待的碰碰車 ~~ 5個代幣 (4分鐘)


經過去年的經驗, SY已經變成一位碰碰車手, 其實, 如果近距離碰撞, 感覺不大, SY:「爸爸...如果被人好遠衝埋嚟撞, 個頭都真係有D痛」(係呀!)


玩完大人碰碰車, 又給SY找到小朋友氣墊碰碰車 -- 4個代幣


這個一點也不刺激, 但就很考協調能力, 因為雙手操作就是向前, 向後, 單手控制就變成轉左, 轉右...


SY:「爸爸, 你控制得咁咋...你睇我向前向左, 向後向右都得」(老仁家要少少時間適應呀!)


之後, 我們走到免費的AIA VR 遊戲區, 上年是免費影360全景相, 今年則是VR與非洲動物, 恐龍玩遊戲.


如果望著螢光幕, 真的似有恐龍走出嚟...不過我太累, 索性坐在了地上看小朋友與恐龍玩算了.
完成後還有免費5秒VR短片電郵給你喎.


見完恐龍後, 小朋友又繼續玩小朋友的遊戲....BB車轉轉轉 -- 3個代幣 (細膽的小朋友(SY)看風景一流, 大膽的豬仔就悶到發呆)



豬仔指定要獨自去探青蛙, 可能他很愛這隻彈彈跳的小青蛙 -- 3個代幣


這個我過去多次嘉年華, 玩完又玩的燈塔滑梯 -- 3個代幣...SY:「我驚呀...我唔敢玩...你叫豬仔陪你啦」



我和豬仔玩就更加好, 其實我也不明白, 坐在地墊上, 速度不算快, 我抱著豬仔說:「一D都唔驚喎」(豬:驚驚地喎)



豬仔和SY指定要探索完探索的FunHouse - 4個代幣


我問SY:「點解你咁鍾意玩」, SY:「好玩呀! 又有得上樓梯, 又有獨木橋, 豬!!小心D呀! 我嚟幫你」


我:「上年你都玩過啦」, SY一邊轉木圈一邊說:「你唔記得上年我哋臨閂門先玩, 哥哥催我哋"快D快D", 我今年一定要慢慢玩」


結果, 豬仔媽陪玩了一次,  我又要再陪玩多一次, 兩位主子才滿足!!


好了!! 說完了機動遊戲, 我又開始說SY未入AIA前, 已不停念念有詞, 要怎樣玩攤位遊戲, 要贏就要怎樣怎樣...


因為沉迷了Switch 的 Mario Odyssey, 所以當SY一見到有 Mario 公仔, 便雙眼發狂.


這個擲波波到指定顔色的水杯上就有獎,如果輕力出擊, 一般都會成功入杯, 而對正中間, 顏色杯密集的杯擲, 機會率更高.


玩了兩次, 便中了綠色大獎, SY狂叫:「姐姐我想要耀西,我想要耀西..爸爸...如果掟中藍色杯就好, 有特獎」(嘩!咁難...全場得一個藍色杯咋)
吸引度: ★★★★★
容易度: ★★★★☆


木桶擲波波, 全場有兩個...一個可以贏Marvel公仔, 另一個就是贏Minions.


這個去年工作人員教路:「輕力+擦邊」, 可能知道了秘訣, 所以, 今次覺得贏公仔也算零難度.
Hulk 成功入手! Yeah~

吸引度: ★★★★★
容易度: ★★★★☆

另外, 還有一個擲小足球贏Marvel公仔的攤位, 不過因為距離太遠, 小朋友未必夠力.


而且規則是要三枝鐵樽要全掃落地, 難度算高...我們玩了一次便放棄. (SY: 爸爸你要Marvel公仔都係掟木桶好D)

吸引度: ★★★★★
容易度: ★★☆☆☆

上年這個推保齡球樽是百發百中的攤位, 所以上年聖誕這個贏ToyStory的攤位, 最受歡迎...


SY:「爸爸...今年D公仔都唔靚 , 係咩嚟架, 我唔想要呀! 」(咁玩一次囉....又真係一玩就贏, 可惜不知名公仔又確實好麻麻)
吸引度: ☆☆☆☆☆
容易度: ★★★★★

BB唐老鴨公仔有分男仔, 女仔, 如果你只要細公仔, 難度屬中級, 但如果要中獎就有少少難度, 因為要3球....阿太:「原來2球都係細公仔咋?」

吸引度: ★★★★★
容易度: ★★★☆☆

這個擲Minions咕臣的攤位與剛才的擲小足球一樣, 三枝木樽一定要倒跌在地上才算贏....


SY一擲三樽掉了下來但仍在鐵盤上...我大叫:「贏啦...贏啦」, 工作人員:「要跌出個鐵盤先當贏」(吓?)


工作人員:「其實, 第一下你要出最大力, 咁機會就大好多」(係呀! 第一下如果無氣勢, 其實都唔駛再玩落去)
吸引度: ★★★★★
容易度: ★★☆☆☆


這個以Angry Bird 丫叉彈的方法去射擊的遊戲, 大人還勉強可以, 但小朋友真的很難控制, 可能我又不是十分喜愛Angry Bird ....小豬媽交給你算吧!

吸引度: ★★★☆☆
容易度: ★☆☆☆☆

在沙枱上推鐵圈計分贏小熊維尼的攤位, 我覺得可能較Angry Bird更難, 因為"擲界"不算數, 大力又落坑, 10分才有細公仔....


SY:「30分係唔會有可能, 拜拜啦...PoohPooh...我都係返去玩Mario啦...爸爸...行啦..我想儲齊一套Mario公仔」

吸引度: ★★★★☆
容易度: ★☆☆☆☆


如同往年一樣, AIA真的晚上風景較日光日白更加靚! 更加搶眼, 可惜一家三口也不能刺激, 否則可以玩埋 Remix ,  飛天千秋... 一定瘋狂!!


由朝早玩到夜晚, 就是每年AIA的例行公事, 真的精神很開心, 雙腳卻攰得很!!


有人今日超高興, 因為他真的是大豐收, 事關聖誕願望逹成, SY:「我真係儲到一套Mario呀! Yeah!」


AIA我們明年再見啦!!  SY:「快快返企啦..我要組織Mario家庭, 耀西要做指揮啦...88啦AIA」


大滿足的一天!! (點解AIA大門口多咗支橙柱嘅呢??)


日期: 2017年12月21日 - 2018年2月25日
地點: 中環海濱活動空間
時間: 11am-11pm
門票: 成人$130元 (包10個代幣);
小童 (3-11歲)或殘疾人士$90元 (包7個代幣);
3歲以下、65歲或以上長者免費入場


大仁生活facebook

沒有留言:

張貼留言