【必玩5大推介】出汗‧放電‧玩到癲 ~ 大人細路全日任玩 @ SuperPark

去玩, 去跳, 去癲, 去嗌!! 芬蘭人氣SuperPark12月16日正式在香港插旗!!

因為預覽夜沒有時間, 於是相約豬仔一家正式開幕日齊齊去玩過夠﹗

小朋友還未等我們老人家換好專用襪已急不及待的催促:「我哋可唔可以
入去玩先呀? 我好心急呀」

最初, 我以為這只是一個給小朋友瘋狂任玩任跑的室內活動樂園,
原來不少遊樂設施是給大人玩的喎.

正所謂「一張票玩到笑」, 平日$180/假期$240, 無限次進出,
SY:「爸爸! 我唔等你啦... 你慢慢影啦, 我同豬仔去玩先啦」

場內有唯一的餐廳, 不過, 吃的太西餐, 而且價錢不便宜,
所以我建議大家可以食飽午飯過來.

阿太:「車!! 佢哋有免費Locker, 下次預先買定D茶點, 小食, 飲品...
大家中場休息就攞返出嚟食囉」

原來, SuperPark以傳統運動、遊戲為主, 一入場就是比較BB的「冒險地帶」...

智勇滑梯山, 攀上小草山, 滑下來, 旁邊又有另外一些競技物....

波波池, 繩索椅...不過, 已經是小學生的兩位小朋友已經明顯不太感興趣.

豬跟我說:「我哋玩一玩, 之後係咪就可以由我決定去玩其他呀??!」
(唔好意思...叔叔想再影多一陣...難委了小小豬)

「攀石好唔好玩呀? 不如你坐上去上面個架啦」我問SY....
細膽的SY:「吓?? E度都好高喎，不如叫媽媽坐啦」(媽媽坐...應該會成幅牆冧落嚟)

「兒童歷奇城市」這是SY高度激讚的遊樂設施, 因為他最最最愛捉伊欣...

這個高高低低, 障礙物無數的高塔建築, 單單接連的瀡滑梯便有大中小三條之多.

我就是手持相機在箇中的隧道穿梭, 追著兩位生龍活虎的小朋友,
膝蓋最少也撞了兩次牆角！~ 痛

小小城市中間是一個小小波子機設施... 豬仔開心一拋便已經獲得500分!!

之後, 大人, 小朋友齊齊去玩迷你賽車場, 其實, 我最初以為是電動車呀!

SY:「哥哥話我踩錯路....犯咗規呀!!」

如果三五知己來賽車, 感覺也很Hight喎!!

我最期待的「超級車呔滑梯」, SY不停口震震的問:「驚唔驚呀?驚唔驚呀?」

其實, 我最驚是推那個大大車呔上斜路多一點喎....

至於大車呔的速度, 應該視乎你的坐姿....SY:「好驚..好驚...好快...好快」(你坐叮叮都話驚架啦)

「空中滑索」大人一樣可以同樣飛...阿太便忍不住自己也全力衝向磚牆...

場內還有一系列的「遊戲競技場」,彈珠足球場...

小朋友向我大叫:「叔叔...你唔可以走出白線架...我哋無得開始架」
(咁鬼醒目嘅D小朋友)

棒球練習場 ~ 阿太:「好鬼難打嘅, 我睇日劇好似好易架喎」
(我玩2局, 勉強也碰到2球嘅~HEHE)

「高爾夫球練習場」的空置率較 「街頭藍球場」為高,
可能小朋友們也只是愛玩大的球...

老實說, 藍球場有電子計時計分, 顏色設計也勝過成人向的 高爾夫球場多多聲呢!!

而我則對「數碼攀石牆」非常之有好感, 因為它不止 攀石牆那麼簡單,
而且還是一邊攀石, 一邊與另一邊比賽.

記得要防止光圈被對方射入自己龍門...全程更有Video拍攝,
之後可以免費Download回電郵慢慢欣賞呀!

單單這個「滑板天地」, SY已經消磨了一小時, 但如果小朋友太細,
可能滑板車太高, 未必合適玩耍.

而我則襯SY玩車之際, 自己走了去巨型彈床區翻筋斗...
其實之前在奧海城教練協助, 我曾經成功過....

可惜, 今次沒有人從旁助我一臂....我連續4次也失敗, "很魚"~"很魚"~

場內有免費斟水機...可惜沒有小食亭....小朋友精力沒有得補充...
因為我們第一次來, 未有準備下午茶給兩位主子.

小小豬爸非常貼心, 他步行到街外的7仔買了小食給主子們「醫肚」

補充能量過後, 他們又繼續去冒險, 去跑, 去追, 去競技, 瀡滑梯, 跳彈床, 攀攀爬爬,
嘻嘻哈哈..

一玩又玩到5時多, 在極不情願的情況下, 小朋友們帶著依依不捨的心情被迫離開, SY:「我真係好鍾意同豬仔玩捉伊欣呀!」

我:「咁下次我哋帶定三餐, 畀你由朝早玩到閂門啦」

香港 SuperPark
地址︰九龍海輝道18號一號銀海地下 (鄰近奧海城)
時間︰上午10時至晚上9時
門票︰平日$180，周末、公眾假期及學校假期 $240



大仁生活facebook