【三五知己嘆和牛】石垣牛脷 +入口即溶西冷 !! 必食

朋友祖迪說:「有間沖繩過嚟新開嘅和牛店, D牛好正, 我帶你哋嚟試新嘢啦!!」和牛我當然大愛啦!!食食食...

老實說, 「神戶牛」、「松阪牛」、「石垣牛」我不是太食得出, 自己覺得只要夠肉味, 夠腍, 夠滋味就是好味道的牛.

我們先來紅酒燴牛脷 $128, 我一看到第一時間說:「嘩! 咁鬼厚, 會唔會好難咬?」(祖迪: 你試吓先)

結果, 一咬驚喜, 我大叫:「竟然似十足牛腩咁喎」, 朋友Anthea:「真係腍得咁緊要喎」(簡直日本牛同香港牛最大分別原來係條脷...哈哈)

之後來了一大碟和牛88肉盛拼盤 (赤身、西冷、雞腿肉、煙肉) 150g $328...(其實, 點解食牛, 食食吓會有雞同豬呢?)

4款肉, 首推西冷, 我:「原來和牛就係咁正...肥肥地, 肉汁又夠多, 仲要入口即溶, 赤身都有牛味, 不過太瘦, 似十足我咁, 無西冷咁好咬」

Edward:「係西冷最好食, 點埋D柚子芥末醬仲正」

5款牛刺身壽司併盤 $198... 可能剛剛吃了熟牛, 比較之下...生牛的味道比較淡, 如我吃的海膽伴牛刺身, 海膽完全搶了牛的味.

Anthea:「係呀! 我的鵝肝都一樣, 味道太搶...」

火焰牛扒, 會用沖繩名物的「泡盛60度烈酒」, 燒一燒香鐵板...這約5秒時間, 當然最合適可以用來呃Like拍照.

祖迪:「好香好Juicy」, Edward:「好彩係燒5秒, 因為再燒耐D就真係變全熟」

我:「我都係鍾意頭先拼盤D西冷...可能我對火焰有少少抗拒, 酒味濃咗DD...」

和牛88
地址：銅鑼灣登龍街28號永光中心13樓
電話：3105 3129
時間：星期一至六6pm-2am、星期日及公眾假期6pm-12mn




大仁生活facebook