【免費任玩】5米巨型投影瀡滑梯+ 光影電擊棒

其實, 我一向覺得太古城的聖誕裝飾太正經, 但Edward說:「唔係喎, 今年好靚喎, 你過嚟睇吓先啦.... 淨係棵14米高LED聖誕樹已經靚過好多場」

如果, 單單只是那棵LED聖誕樹, 吸引力都不是太大, 但竟然今年有一座5米巨型投影滑梯, 免費任玩！

不過, 100米以下的小朋友就要有大人陪同, 所以今日我就陪可愛的僑僑一齊玩, 我問僑僑:「你驚唔驚呀?」

僑僑搖搖, 跟我上到滑梯頂對我說:「你要除鞋先可以玩架」原來, 她己經玩了5次, 結果, 是她陪我玩第6, 第7, 第8次.

在瀡滑梯的旁邊有一個大電視, 全程拍攝你玩滑梯的過程, 另外, 你更可以找工作人員在網上下載你的滑梯過程. (免費都有咁多服務, 絶對抵讚)

另外, 還有三個聖誕主題的光影電擊棒遊戲, 不過難度不低, 而且沒有獎品的, 僑僑話:「好難玩架」(係囉...有獎品叔叔會玩得落力D嘅)

打卡位方面, 有聖誕水晶球...場中有4個水晶球, 不過, 只有最大的一個可以進入拍照.

14米高的光影聖誕願望樹, 上面佈滿LED燈飾, 黃昏6時過後過來, 拍攝效果更佳.

而聖誕樹中間有不停轉轉轉的裝飾, 用縮時拍攝, 再放上IG一定可以成功呃得過千心心的.

每逢星期五、六、日及公眾假期, 場內有光影手作工作坊, 大家可以自製光影燈瓶.

還可以刻上名字, 今次真的連送給阿太的聖誕禮物也幫我想好了, Yeah!!

太古LED聖誕光影樂園
日期: 2017年11月23日 - 2018年1月1日 10am-10pm
地點: 太古城中心二樓中橋


光影手作小確幸工作坊
單一電子貨幣消費滿HK$600即可參加。
報名： 2樓客戶服務中心
日期： 8 – 26/12/2017 (逢星期五、六、日及公眾假期)
時間： 4:30pm – 5:30pm (逢星期五)
             2:30pm – 3:30pm, 4:30pm – 5:30pm (逢星期六、日及公眾假期)

大仁生活facebook