【玩足3個月】糖廠街周日美食市集 @ 30檔又飲又食

由今日開始, 未來3個月的星期日, 鰂魚涌太古坊糖廠街都會舉行周日美食市集, 之後的周日, 隨時逛, 隨時飲, 隨時食無難度呀!

今日約同僑僑一家率先去玩一玩, 原來美食市集每個月也有不同主題, 今個月(11月)主題為「咖啡節」... SY:「爸爸! 咁我點算??」

我:「咁我哋唔揀咖啡, 只係去揀食嘢米得囉!!」

未開發試食前, 我們先走上由熱狗(舊九巴)改裝而成的攤檔, 而上層則會成為未來三個月舉行互動工作坊的場地!

SY:「點解E架巴士無凳嘅?」, 我:「打通晒就大好多, 咁就可以有更多人上到嚟囉」

而在臨離開前, iBakery給小朋友試食抺茶曲奇餅 ($50/包)...SY:「嘩! 爸爸...好甜好香綠茶味呀!」

試食這一招對還未吃早餐的小朋友來說, 簡直是恩物啦!!

之後抹茶控依然被抹茶所吸引, SY指著Chef Tiff's Kitchen的抹茶Oreo芝士蛋糕($30), 雙眼發光.

原來, 主廚Tiff就是人氣抹茶IG shop的主理人, 她說:「茶燻咸蛋黃流心牛角包 ($36) 係我今日特別為市集做嘅!」

大人對超爆漿牛角包讚不絶口, 而SY及僑僑則喜愛抹茶Oreo芝士蛋糕...

不過, 我卻嫌抹茶混芝士的感覺有點貪心, 我還是愛清清新新帶點甘的抹茶流心牛角包 ($36).

之後我們看到Mavericks的自家製12小時胡桃木煙燻牛胸肉漢堡($68), 入味, 牛胸肉帶強烈煙燻香.

僑僑爸:「開首幾好食, 但愈食又好似愈鹹...」

我:「所以人哋同時賣椰青囉...同埋我哋4個大人, Share嚟食都OK, 如果一個人食就真係濃味咗D」

Grand Bazzar 殿堂市集的香煎虱目魚菲力（$30/3條）最吸引我, 店員一邊煎一邊傳來陣陣魚香.

負責人:「台灣人最鍾意虱目魚D膏, 香港人可能會嫌佢肥, 所以我就肉同脂肪都有D, 同埋我處理過, 所以絶無腥味」

不過, 我嫌魚有太多骨...可能我真的不太識吃魚吧!

反而最驚喜就是香煎虱目魚魚蛋（$20/5粒）...我:「我哋6個人, 送多粒畀我哋得唔得?」

僑僑媽:「好食喎...個樣似鯪魚球, 但係比鯪魚球更香更滑」, SY:「好食呀! 不如買多碗啦」

免費試食最合我這貪心的人, 天然酵母麵包 , 負責人說:「切D畀你試吓好唔好?」(唔駛錢梗係好啦)

我:「點解酸酸地嘅?」 Levain負責人說:「因為有好似益力菌, 咁就可以未入胃部, 幫助身體吸引啦」

陳氏有機場 的有機木瓜酸 $80/樽, 我:「酸酸甜甜, 幾好食喎...」

陳先生說:「我用有機木瓜浸架, 用最靚嘅米醋嚟浸嘅...」(這樽絶對是愛吃鹹甜鹹甜酸酸阿太的摯愛)

而今日我最開心便是在Kyushu o cha 買了士多啤梨味, 及西柚味的抹茶....我問:「抹茶都有生果味?」 (嘩! 雖然貴咗D, 但真係有勁香水果味嘅綠茶...)

「糖廠街市集」 

地點：鰂魚涌太古坊糖廠街 

開放日期：2017年11月5日至2018年2月11日 逢周日舉行 （2017年12月3、24及31除外）

開放時間：11:00～17:00 

門票：免費入場

大仁生活facebook