【自已話晒事】連甜品Pizza都可以任配搭 @ 朗豪坊

朋友Sammy說:「朗豪坊有間食Pizza可以自己畫, 自己配, 佢哋仲有甜品Pizza都可以自己剔呀! 一齊去試吓囉!!」

原來, 餐廳就在12樓Lego店旁邊...平日經常行過, 不說也沒有留意有可以自己剔Pizza玩!!

我:「原來, Pizza 只揀醬料(5選一)+芝士(4選一), 10.5吋就是$88喎...Edward, 我請你食啦」

Edward:「咁你唔請餸料?? 咁孤寒...不如, 配料我請啦, 你要食咩呀?」, 我:「你請, 我就揀烤鴨(+$18), 鰻魚(+$18), 菠蘿(+$9)」

開放式廚房, 大廚們精湛的製作Pizza絶技可以一覽無遺.

前菜先上, 這是Sammy最愛吃的沙律酥炸銀魚及西洋菜苦白菜沙律配橘子油醋($98).

我:「可能我自己撈汁, 特別覺得E個沙律好食...凍食炸銀雪魚真係幾得意喎」

雜錦拼盤 ($198), Edward:「幸福摩天輪喎...烤土耳其麵包、照燒汁芝士肉丸串燒、炸薯丸、炸秋葵魷魚....我試吓個雞翼先」

我:「點解D墨西哥雞翼要加咁多早餐脆脆片呢?」Edward:「雞翼好煙煙韌韌喎...不過雞翼唔辣, 但係D脆脆片就超辣, 好攪笑...」

等了約15分鐘, 我們的自選Pizza終於上枱.....

從未吃過烤鴨鰻魚Pizza的我, 覺得烤鴨配菠蘿味道夾過鰻魚, Edward:「不過, 佢哋D鰻魚無骨幾好, 我最驚食到有骨嘅鰻魚」

之後, 便是我們自己剔自己揀的8.5吋甜品雪糕Pizza, $78 (包一個雪糕,  一款醬汁, 二款配料)

暖笠笠的薄餅, 加了Sammy點選的M&Ms及焦糖脆脆...我就揀了芒果, (加一配料另加$10)

我對Anthea說:「應該加多D生果會好D, 你都要試下, 一啖雪糕, 一啖Pizza, 又暖又凍好好食...」

就這樣嘻嘻哈哈, 朋友聚會又過了一個開心的中午!! Yeah!!

ZERO
地址: 香港旺角朗豪坊12樓05-09店
電話: 29181234
時間：11:30 至 00:00


大仁生活facebook