其實, 早在2年前, 已經知道觀塘區有六組後巷會變身街頭藝術塗鴉牆, 但我一直以為是apm附近的大街.
沒有想過, 原來我經常出沒的駱駝漆大廈的後巷, 竟然一樣化身故事成浪漫塗鴉牆!!
因為在駱駝柒大廈盡頭鐵閘望到對面的後巷「五顏六色」非常吸引, 於是就想走出去近距離接觸一下.
不過, 原來鐵閘是被鎖上的. 經過完整走了一遍之後, 發現最佳入口, 就是在電訊一代廣場, 大新銀行側邊的後巷.
只要你走進, 便會發現牆上有一個大巨人, 而主角橙色太空人便開始為你說故事.
當然我們兩仔爺又怎會懂塗鴉藝術是何物, 但我亂說一句, SY又發揮創意的接口:「太空人被攻擊呀!」, 其實, 原來一條普通的後巷, 一樣可以很親子.
七彩塗鴉非常靚, 而且3面牆的後巷加上來約350公尺, 記載著數位藝術家數個月來的浪漫...
SY:「真係喎...有簽名呀! 仲有寫2017年6月...7月, 8月, 9月...即係畫咗一個月咋喎」
雖然說是後巷, 其實一點也不凌亂, 反而算清潔, 可能比花園街更加少垃圾喎!
不得不佩服設計人的創意, 因為他們會利用牆上的鐵閘, 出風位, 溶入成為創作的一部份...
SY大叫:「哎呀! 眼唔係畫架...個鼻, 口耳先係畫喎」
我最愛當然就是粉紅色可愛小肥豬, 我:「你今日又係著粉紅色, 好似你喎!」
不過, 少少建議, 大家不要太夜走來...
因為未到黃昏6時, 後半截的後巷, 因為沒有街燈, 已經突然變得漆黑一片.
SY:「爸爸! 不如唔好影啦...黑麻麻好得人驚呀!走啦」, 天生細膽的SY已經大力拉我離開...
其實駱駝漆及大家樂後面還有燈光, 我真的不明白為何小朋友如此驚慌, 但想要拍靚相, 還是中午過來就最好不過.
沒有留言:
張貼留言