阿太昨晚告訴我:「SOGO有一間新開, 日本直送正方形芝士蛋糕喎, 不如星期六去試啦!!」
我望一望介紹, 原來由10月頭已經開始賣, 賣到10月17日就完, 所以, 我急不及待就衝了去買.
原來, 網上有圖也未必一定有真相, 最初我以為會有一個菠蘿包的大小, 原來, 實際上大約只有半張Visa卡的Size.
店員在提供免費試食, 我問她:「2款有咩分別?」
她答:「你食緊嘅艾登芝士味道濃D, 有粒粒芝士; 另一款高達芝士牛油味重D, (有冇得試埋高逹呀?), 無喎」
單買$23, 如果一套6個裝$130, 一家三口, 一人試每一款一個, 於是便買了一盒.
四四方方的芝士撻還是第一次吃, 如果給我選擇, 一定揀濃味的艾登芝士蛋糕仔. (淺色)
不過, 相比之下高達芝士蛋糕會滑一點, 但就似吃牛油撻一樣.
日本直送, 可能運費也佔了$8元, 老老實實, 如果不是因為日本名牌效應, 我情願去買2個菠蘿油更加抵.
地址：銅鑼灣崇光百貨 B2層
日期：10月5日至17日
大仁生活facebook
沒有留言:
張貼留言