2017年9月11日 星期一

【免費鬼屋】全城唯一‧免費送你上鬼船@ 樂富 Halloween

每年樂富鬼屋都是我的最愛, 因為免費入場, 免費同鬼玩遊戲, 免費齊齊驚, 齊齊笑...


去年玩鬼監獄, 今年則玩環保, 玩沉船...SY:「鬼屋點解都會環保嘅?」(係囉...我都唔知喎!)

大家是否覺得奇怪, 為何玩鬼屋, SY也會跟我來呢? 因為今年樂富加入親子時段,  惡鬼怨靈只剩2隻...



當然, 要玩就玩最驚的「膽生毛鬼咁驚時段」, SY:「我驚...我唔敢入...爸爸, 你同姐姐入啦」



於是, 小鬼就留在人間, 我便跟老友Erie齊齊入去2050年陰魂不散的沉船同鬼玩遊戲.

因為今次加入環保元素, 所以, 我們要手持南瓜燈, 找出4款海洋生物, 嘟一嘟...係為拯救小生命.



猛鬼沉船有8大攪鬼區域, 以免費鬼屋來說, 絶對高質及超值...(雖然免費, 但要排除, 如果唔想排隊, 到商場消費就有Fast Pass...著數好多, 免排隊)



一開始的陰森潛水室, 聽完講解便拿著南瓜燈出發...



之後的血腥屠房掛滿「假人」, 「死魚」, 而間中你會發現最美麗的活死人從中笑著跟你打招呼...這樣的邂逅, 真的很浪漫.



加入了環保元素, 在魂斷木吊橋中有亡魂警告你不要再亂拋垃圾入大海...嘩鬼都變得如此有教育意義, 有點不習慣.



之後的魚網凶靈, 又有石油污染下的冤鬼都是一邊嚇你一邊叫你要保護地球...哈哈哈, 真係嚇一個, 上一課.



魚腥冰庫最精彩, 一口氣可以跟骷顱頭, 及貞子大合照...最熱鬧的一個情景呀!



最後, 走不走得出藍藻中的殺機, 就靠你自己的本事啦...而我今次未能成功拯救4款頻臨絶種的小動物呀!! 早知...不跟鬼玩得如此忘形啦.



當然, SY已經在等我再次進入玩親子時段, 衝鋒雷射槍(每日13:00 - 16:00)...SY:「係咪真係無鬼架...」



我:「你信爸爸啦...20個標杷, 只要射中就有分...入面無鬼, 有都最多兩隻...」(SY: 吓?)



手持雷射槍闖入鬼屋, 這還是第一次...途中真的只有兩隻可愛的鬼朋友...



不過, 細膽的SY還是不敢面對鬼老友...SY:「你係咪頭先個女人呀?」, 鬼:「哈哈哈...梗係唔係啦...我咁靚, 點會係出面嗰個呀?」



找出發光的標杷...貼士, 同一個標杷, 可以不停射...即是20個杷, 你可以每個射10槍呀!


相關網誌:
【免費鬼監獄】全城唯一‧免費任玩鬼屋

潛航凶間
地址:樂富廣場A區美食坊
日期:9月15日至10月31日(逢星期五、六、日、公眾假期及10月31日)

膽生毛鬼咁驚時段: 
時間:16:30 - 21:00
費用:全免

親子雷射槍時段: 
時間:13:00 - 16:00
費用:全免

***於商場消費滿$300,可獲2張快速通行證;消費滿$500,可獲4張快速通行證。

大仁生活facebook

沒有留言:

張貼留言