2017年9月17日 星期日

【朱古力主題Café】如果我是agnès. b迷 @ 朗豪坊

朋友E告訴我:「agnès. b開Cafe呀!」, 我不是這個品牌的粉絲, 不過, 記得當年阿太有過這細草b字的銀包喎.


前幾天, 吃過晚飯後, 就走到朗豪坊, 原來Cafe正正開在自己的專門店旁邊....我:「點解新開張, 都無乜人嘅?」

SY:「無人仲好...可以即刻有得坐, 即刻食...我要食朱古力」



我們首先點了「64% DÉLICES 特選朱古力火鍋」 $108... 阿太:「奇怪...唔見有人食, 得我哋叫咋喎...」



我問SY:「全部都係生果...你咪唔鍾意食囉」, SY:「唔會呀! 有 棉花糖及手指餅, 不過...64%都苦苦地喎」



我認為64%最好配青蘋果, 因為爽爽地, 酸酸地, 最夾, 其他奇異果、士多啤梨太軟又甜, 反而不夠好味.



我以為朱古力醬會是暖笠笠, 原來怎樣煲也是涼浸浸, 不過, 起碼不會太甜, 可以用來蘸盡所有配料...(不過手指餅係淋咗嘅)



嘅一邊用無花果蘸著朱古力漿吃的阿太:「, 不過, 我覺得上次你同阿囝去長沙灣間姊妹撈仲抵, 都係差唔多, 又係生果撈朱古力, 人哋$10, E度咁鬼貴」(E度食個b字已經值$80蚊啦)



全場最多人點的, 一定是「朱古力血橙心太軟」 $68, 因為星星器皿很有吸引力呀!



當我切開朱古力心太軟之時...我說:「不過佢無食開嗰D心太軟咁流心...定係佢攞咗個碗裝, 流唔到出嚟呢?」



SY:「點解咁大陣橙味嘅?」我:「係呀! 佢叫血橙果蓉...」, 阿太:「好似積及橙餅咁嘅味」


如果兩款朱古力比較, 我會揀選心太軟, 起碼有雪糕附送, 又冷又熱, 不會太單調...



但其實名牌Cafe, 對我來說也不是太合適, 因為貴得來又不是太特別. 粉絲應該才會鍾意吧!!



相關網誌:
【撐小店!! 街坊小食】$5真‧西瓜冰/菠蘿冰

大仁生活facebook

沒有留言:

張貼留言