【上環鬆一鬆】超正!! 鵝肝漢堡+鮑魚烏冬

今次有上環地膽Mandy帶我一家三口食好東西...小小的Cafe, 但食物真的不能小覷.

老實說, 若不是Mandy一早到逹, 並在大玻璃窗前向我揮手, 我也會錯過了Cafe...因為地方並不是太顯眼...

今日由Mandy點餐,  她說:「上次同朋友嚟食得太飽, 但見佢個烏冬同漢堡包又好正, 所以, 今日專登約埋你哋一齊食...我一個人食唔晒呀!」

其實, 我最愛去餐廳不用帶腦, 有人幫我發板, 簡直超凡享受!!

鮑魚稻庭烏冬(冷) $128, 我本來不太愛吃凍烏冬, 但我不知道是否天氣關係...(帕卡來臨前的一天), 天氣悶熱, 忽然覺得凍烏冬竟然如此好食.

阿太:「冷烏冬不嬲都好食, 係你唔識食啫」(可能E度煮得特別好食? 唔知道)

但兩隻鮮味到不得了的小鮑魚為烏冬加上不少分數!!

又爽又彈牙! 這份烏冬的質感真的很不錯, 很合我口胃!!

之後的ASK特級漢堡 $128, 價錢與烏冬一樣, 但份量足以填兩大一小的肚皮...我:「嘩!真係好鬼大份喎」

有煎得完全不會乾身的鵝肝, 而且還有非常入味, 又腍身的牛肉... Mandy:「E度D漢堡真係人手打出嚟架...」

非常好味道, 有小朋友一個人KO了半個包...我:「你平時好少可食到咁多架喎....」, SY:「好味吖麻」

正當我們研究漢堡包之際, Mandy將砂糖加入茄汁內, 我問:「你做咩呀?」

Mandy:「我之前無意中發現, 你可以試下點薯條好食好多呀!」

吃了粗薯條加砂糖茄汁的我:「真係特別D喎...好似鮮味咗, 味道又好似實淨咗, 幾得意喎」

原來, 這裡更加不定期舉辦小朋友咖啡拉花小玩意...導師教SY畫熊仔！

對我們初哥來說, Mandy示範了一個非常簡易的方法:「你用少少朱古力, 就直接在咖啡上畫, 即刻有公仔睇到」

真係喎...方便過用老師的傳統正宗方法, 阿太:「但出嚟效果好BB...」(初哥畫花係咁上下啦)

今日, 小朋友要求將甜品的另一邊胃也填滿才肯離開....

他一邊吃著藍莓芝士蛋糕, 一邊說:「好食, 今日真係好滿足...」(點解你忽然可以食到咁多嘢呢? 奇怪)

ASK Cafe
地址： 上環皇后大道中202號The Putman地下A號舖
電話： 2677 1131
時間： 08:00–20:00


大仁生活facebook