福井縣, 石川縣在那裡呢? 我不知道, 但朋友一說:「金澤附近囉」, 哦!即是遠離煩囂的山郊地方是也.
清酒逹人Albert朋友說:「如果你鍾意Shopping, 或者未必鍾意E度, 但係大自然好靚, 天地人山水, 非常寧靜, 享受一下慢活, 真係好一流」
商場仁應該暫時也不會過農村生活, 所以, 一連四日的「日本越前加賀」旅行體驗之旅, 有得免費試食, 玩鑿恐龍化石遊戲, 和紙工作坊, VR越前加賀遊, 簡直MCP變成一個小日本.
今次有地道小食魷魚煎餅, SY:「好脆呀! 好食呀!」, 之前SOGO地庫也吃過...小食多滋味.
用新鮮魷魚, 以高熱大鐵板壓平, 所以, 絶對原裝足料. 細$60/大$115...
怕熱氣的我, 還是叫SY多走兩趟, 吃兩, 三塊便算. 好過愛吃煎炸東西的他, 吃不停之後, 醫生又來了.
越前超甜蕃茄汁, 單單飲已經非常實在, 比一般蕃茄清甜...
不過, 最無敵的, 是用越前蕃茄, 黑蒜, 海藻, 蝦乾煮成的出前一丁, 免費試食一口...我忍不住大叫:「日本版出前一丁真係好食好多」
店員說:「唔係呀, 我哋都係用香港版一丁...(我:吓? 點解你可以咁濃, 咁好食), 可能就係我哋用咗越前的幾種材料囉」
SY:「我又食啦...(我:你食咗幾多碗?)...4碗之麻, 我想再食」(算啦...唔好攞啦...好尷尬呀)
之後清酒逹人Albert的甘桔酒, 梅酒, 非常好飲, 濃中帶苦甜, 又實在又令人滿足...
Albert:「我用700粒桔連皮浸酒, 所以足料而你又會飲到桔皮的甘苦味架」(真係好好飲)
飲飽食醉後, 我便帶SY到旁邊的恐龍化石場, 玩福井市聞名的齊齊鑿化石遊戲...
工作人員:「因為一億二萬百年前, 福井真係有恐龍, 之後佢哋死咗, 就沉積咗係石頭裡面」
SY好努力的鑿鑿鑿, 第一次鑿出石頭中的植物痕跡, 之後便是貝殼, 第三次又是植物...
我:「你咁水皮架...」, SY:「姐姐都話恐龍化石好難有架, 所以, 我梗係掘唔出啦」
我問:「咁多石頭, 我可唔可以攞一舊返屋企呢?」, 工作人員:「如果你下次親自到我哋福井市的恐龍化石公園鑿, 就可以, 但今次就送唔到畀你, 唔好意思」
之後又有葉師大教褶紙, 我:「點解D和紙咁靚嘅??」, 師傅:「因為原本D紙可以做和服嘅, 所以梗係靚啦」
今次師傅揀了最簡單的草龍教SY..可惜, 左褶右褶, 有小朋友一樣跟不上...看來手工方便, 絶對是沒有藝術細胞的SY的弱項.
師傅說:「好彩我無教你褶飛龍, 因為我自己都要褶45分鐘...」嘩!! 若然你都需要45分鐘, 看來SY可能要3小時才可以被教曉.
現在沒有VR遊戲, 一個完全沒有驚嚇, 死佈內容的VR, 只是想你再進一步, 近距離接觸越前加賀的鄉土情.
看著由旅行逹人拍攝的日本相片...我問:「D畫靚D, 定係出前一丁好食D呢?」
SY:「我想食多一碗出前一丁」(真唔係講笑, 試過你會發現, 點解我哋平時煮嘅丁麵無咁好食嘅呢? 奇怪)
日期: 2017年9月29日 ‑ 10月2日
時間: 12:00 ‑ 20:30
地點: MCP新都城中心 3期 L1天幕廣場
恐龍化石考古探索 時間： 下午 2:00 – 2:30、3:00 – 3:30、4:00 – 4:30、5:00 – 5:30 (每節5人)
詳情：MCP 2 期或3期商場電子貨幣消費$200或以上，即有機會換領入場証一張
和紙摺紙手作坊 時間： 下午 2:00 – 2:30、4:00 – 4:30 (每節10人)
詳情： MCP 2 期或3期商場電子貨幣消費$150或以上，即有機會換領入場証一張
大仁生活facebook
沒有留言:
張貼留言