網頁

2017年9月28日 星期四

【免費任添飲】街坊價~嘆熱辣辣肉骨茶 @ 深水埗

經常遊走深水埗的我, 上星期又發現有新食肆正在試業, 今次是阿太最愛的肉骨茶是也.


雖然試業, 但店內依然高朋滿座, 幸好我們19:00便到逹, 否則要在門外排隊拿籌.

我們先來「話知你啦薄餅配三式咖哩 $22」, 因為我愛吃煙煙韌韌微微甜的印度薄餅...


SY:「爸爸, 你唔點咖哩? 有三款咁多添」, 我問店員:「係唔係三款咖哩有唔同辣度?」


店員:「其實, 三款都係素咖哩, 少少辣, 唔會太辣...」, 真的不會太辣, 因為連SY吃了也只是喝了幾口特飲又無事.


桔仔話梅水,   檸檬麥芽薏米水 ,  冬瓜龍眼水...三杯也是 $18/ $13(跟餐), SY:「薏米水咁酸嘅? (因為加咗檸檬囉), 桔仔水反而無咁酸」


我:「我發現全場好多人叫冬瓜龍眼, 我真係有taste, 又唔酸, 甜甜地, 如果龍眼再多D就更加好」


招牌老鼠粉 $25, SY:「我好驚老鼠喎, 我唔食」, 阿太:「其實, 即係銀針粉囉, 點會有老鼠啫」


同枱的叔叔對SY說:「我哋廣東人就叫銀針, 馬來西亞人就叫老鼠粉, 都係同一樣嘢」


這碗由兩款黑豉油, 再加入肉碎, 及兩片豬肉腸的老鼠, 自己覺得有點單調, 但就很有當年長輩說捱窮的平民味道.


終於來到主角肉骨茶 登場,  這是店員推介的皇帝骨  $48, 我本來想點大雜錦, 但店員很有良心的說:「你得2個大人, 可能食唔晒」


我還再加多一碗廉價的豬脚彎肉骨茶   $24...店員:「皇帝骨  即是豬被宰時第一刀的頸背部份.


SY聽了一邊驚一邊食一邊說:「好腍好軟好好食喎」, 果然價錢相差一倍, 味道也是好味多一倍, 我:「可能我唔識食豬腳, 得個爽字, 又無乜肉, 食肉獸都係食肉正」


之後店員再端來多兩碗熱湯:「E兩碗再熱D, 你哋可以試吓」, 真的沒有材枓的湯, 味道更濃更藥材.


店員:「因為有肉的湯會比較淡, 如果你鍾意, 仲可以再添飲...(吓? 無限添飲? 咁我會飲到你窮), 唔會, 只要你鍾意飲, 最多添晒就唔賣啫」


今晚我添了三次, 一個仁今了5碗肉骨茶湯, 非常飽, 非常溫暖!!


我:「下次叫豬肚肉骨茶, $18蚊最平...又添3次...哈哈」(阿太:你真係好貪心)



蘇媽.蘇媽馬來西亞茶餐室
地址: 深水埗基隆街251號地下
電話 : 24479188


大仁生活facebook



沒有留言:

張貼留言