【大家都可以報名】奇華工作坊第一波 齊齊整月餅@ 灣仔

朋友Sammy很有心, 知道我想做月餅, 於是對我說:「奇華有一個月餅工作坊, 你同唔同SY一齊做月餅呀?」(Yeah!! 梗係做啦...)

原來, 工作坊正正就灣仔皇后大道東店樓上, (即合和中心對面), 兩父子第一次做月餅, 想不到SY也可以玩得如此投入.

穿上靚靚圍裙後, 便開始欣賞師傅製作傳統雙黃蓮蓉月餅...

不過, 原來一個月餅竟然需要如此多的油, 很滿足的糖, 還有豐滿的蓮容結合而成喎. (我是今天才第一次知道)

用麵粉混入油、糖漿就可以搓出我最愛吃的月餅皮, 師傅輕輕鬆鬆便完成啦...

而SY則十隻手指黐黐笠笠的, 最終由另一位師傅協助下一樣做得到.

搓好月餅皮, 之後便是將2粒鹹蛋黃塞進蓮蓉內...SY:「豬鼻嚟架...係咪好似豬鼻呀...哈哈」

原來, 月餅皮只是薄薄的一片便可以將巨型的蓮蓉包裹著...我:「我食咗幾十年月餅, 我都唔知有咁多蓮蓉添」

SY當然不能功成包實月餅, 全靠師傅幫手...轉轉轉, 搓搓搓, 簡單兩三下手勢又解決了SY的問題.

之後便到了SY極期待的放入月餅模的工序....

興奮得偷偷暗笑的SY:「塞好啦...等我拍, 等我拍...我等咗好耐啦」

有埋由相信SY對工作枱有仇, 因為他出盡九牛二虎之力, 倒出月餅....SY:「YEAH!! 接到...」

再掃上蛋漿, 便可以放入焗爐大約焗23分鐘...

在等待的過程中, 我們又要製作迷你奶皇月餅, 今次有朱古力味, 芝士味, 原味...

製作過程與之前傳統月餅差不多, 有了經驗的SY, 便開始認叻:「好簡單啫, 原來做月餅都唔係好難」

如果, 你問我喜歡吃奶皇月餅, 還是傳統月餅呢? 我會答, 當你食過新鮮出爐的月餅, 就可能以後對任何月餅都會挑剔挑剔.

單單迷你月餅, SY就已經即時吃了一個半, 他還想繼續吃...其實, 師傅製作的咖啡味才是我的首選, 可惜, 我們的6個沒有這款選擇.

我問師傅:「SY有冇潛質做你徒弟呢?」, 薑越老越辣, 師傅直言:「老實講, 佢真係唔係咁掂...」(我真係愛老實的師傅, 鍚鍚!)

原來, 奇華這個工作坊將會於十月中正式開放, 之後官方FB便會陸續推出工作坊的報名, 及內容詳情.

如果, 大家也想來工作坊, 跟師傅一齊學做不同的招牌食品, 記得密切留意奇華FB : https://www.facebook.com/keewahHK/

奇華餅家旗艦店
地址: 灣仔皇后大道東188號
電話: 2785-6066



大仁生活facebook