網頁

2017年9月19日 星期二

【上環食食食】瑞記媽媽西多+科記沙嗲牛包+驚喜朱古力

因為地膽Mandy好好人, 上次介紹我們吃「鵝肝漢堡+鮑魚烏冬@Ask」, 期間不停向我推介上環好去處...於是今日便相約再戰上環!


第一站: 科記咖啡餐室@太平山街


Mandy說:「上環傳統茶餐廳你一定要早D去, 通常3點打後, 乜都會賣晒...」


所以, 今日我們1點便來到上環太平山街.


阿太:「真係人人都叫豬扒飯喎」, 我:「但係咁大碟, 我哋又晏食早餐, Mandy話豬扒包都好正呀!」


我問叔叔:「除咗豬扒包$31, 仲有冇可以推介我食呢?」, 叔叔:「你一定要食沙嗲牛肉包($48)」


我:「超多牛肉, 真係夠晒足料, 牛肉又腍...真係好好食...不過$48就如果可以平D就更加正」


SY一口沙嗲牛治, 一口涷朱古力, 我問:「辣喎! 你唔怕咩?」, SY:「所以我就用凍朱古力嚟送囉...一流!!」


而豬扒包同樣是新鮮熱辣登場, 阿太:「豬扒煎得唔老, 薄薄片, 甜甜地真係正喎...


下次嚟之前真係唔好食早餐, 因為下次一定要叫豬扒飯...我見人哋嗰碟好多菜」


我鍾意豬扒會跟大大塊蕃茄, 及少少的沙律醬, 我問Mandy:「兩款包, 你鍾意邊一個?」


Mandy:「我2個都鍾意, 所以, 你唔見我左一口豬扒, 右一口沙嗲牛咩?」


第二站 : 瑞記咖啡 @ 上環街市熟食中心


Mandy推介必食西多士$23, 與此同時, 我又發現每枱也點一款長條型的包, 我問姐姐:「請問人人都叫E個係咩包呢?」


姐姐答:「蛋牛包($14) (我:我都想要一份), 咁要唔要切開三件?」(超細心的姐姐)


西多士先上枱, 嘩! 這並非平常浸滿蛋漿炸成的一款, 聞說老闆是堅持有單才將全塊麵包沾蛋漿去煎出來。


不單止有蛋香, 而且配上煉奶, 而上枱前已細心的分成6件, 我即時感覺似十足農曆新年, 媽媽煎出來的紅色年糕的感覺.


SY:「爸爸! 你睇個底同邊邊都脆架, 好好食呀!」


至於人人都吃的蛋牛包, 超香的蔥味, 而且蛋又炒得配到好處.


阿太:「佢哋做D包真係幾好食, 脆脆地, $14蚊咋喎, 咁多料」, 我:「真係超抵食, 唔怪之得, 枱枱都叫啦」


樽仔奶茶$13 絶對沒有介紹錯, 茶味濃但奶味依然可以保留, 我最愛沒有冰的凍飲....真材實料是也.


阿太:「嘩!係正喎...我想外賣一支走呀」(你鍾意咪叫囉...但奇怪你唔係一向唔飲奶嘅咩?)



第三站 : Hakawa Chocolate @ 歌賦街


這間是新開的朱古力專門店, 單看舖位並不起眼, (因為是凹了在行人路旁), 但吸引的是有大大塊玻璃窗, 可以望到店員在製作朱古力.


因為我們剛才吃得太飽, 所以很想喝點又凍又甜的特飲...阿太:「原來E度有100%可可朱古力喎」


負責人Sally說:「我驚小朋友會嫌苦, 不如試吓72%啦...小朋友可唔可以飲牛奶, 如果唔得, 可以轉豆奶」


結果, 我們每款奶都點一杯72%...我呷了一口牛奶說:「好香, 好滑...不過72%原來都咁苦嘅!」


Mandy說:「我E杯豆奶都好香, 不過就無牛奶咁滑」SY:「係呀!我鍾意牛奶, 不過72%真係苦咗D」


Mandy:「原來, 佢哋有四川辣椒朱古力 ($25)」, 我:「朱古力都有辣食...咁一定要試啦」


阿太:「嘩!好似麻辣雞煲喎」, 得得戚的SY一手拆了一張SD卡的大小放入口說:「點會辣吖....」結果, 他要不停飲凍朱古力來救命.



Mandy:「剩番一半, 你哋都係帶返屋企慢慢食啦, 我已經辣到流晒汗」, SY:「我直情兩個嘴唇辣到紅晒」

相關網誌:

科記咖啡餐室
地址:上環荷李活道200號J-K舖
時間:07:00-15:30(星期日休息)
電話:25468947

瑞記咖啡
地址:上環皇后大道中345號市政大廈2樓熟食中心17號舖
時間:07:30-17:00(星期日休息)
電話:28508643

Hakawa Chocolate
地址:中環歌賦街49-51A 號地下1B 號舖
時間:13:00-19:00(星期一休息)
電話:61633563


大仁生活facebook

沒有留言:

張貼留言